కపిల్ రోల్ కి సల్మాన్ సూట్ అవుతాడా?

బయోపిక్ లకు.. రియల్ లైఫ్ స్టోరీలకు బాగా డిమాండ్ ఉన్న టైం ఉంది. బాలీవుడ్ లో ప్రస్తుతం ఈ సీజన్ పీక్ స్టేజ్ లో ఉంది. అందుకే ఇండియన్లు బాగా ఆరాధించే క్రికెట్ దేవుళ్లపై వరుసగా సినిమాలు వచ్చేస్తున్నాయి. ఇప్పటికే అజార్.. ధోనీలు రిలీజ్ కాగా త్వరలో సచిన్ కూడా విడుదల కానుంది.

వీటితో పాటు 1983 వరల్డ్ కప్ ను బేస్ చేసుకుని.. కపిల్ దేవ్ లీడ్ రోల్ లో ఉండేలా ఓ మూవీ చేస్తానని ఇప్పటికే కబీర్ ఖాన్ ప్రకటించాడు. ఇదంతా ధోనీ ఎఫెక్ట్.. అది సాధించిన సక్సెస్ తో అందరూ ఇదే రూట్ పట్టేస్తున్నారని అనిపించినా.. 1983 వరల్డ్ కప్ మూవీ తీస్తానని కబీర్ ఖాన్ ముందే చెప్పాడు. అయితే.. ఈ మూవీలో కపిల్ రోల్ పోషించేది ఎవరనే విషయంపై ఇప్పటివరకూ క్లారిటీ లేదు కానీ.. బాలీవుడ్ కండల వీరుడు సల్మాన్ ఖాన్ తో ఈ పాత్ర చేయించాలని అనుకుంటున్నాడట కబీర్ ఖాన్. ప్రస్తుతం సల్మాన్-కబీర్ ఖాన్ లు ట్యూబ్ లైట్ చిత్రాన్ని రూపొందిస్తుండగా.. నెక్ట్స్ ప్రాజెక్ట్ కూడా తామే చేయాలన్నది ఈ దర్శకుడి ఆలోచన.

అయితే.. 1983 ప్రపంచకప్ సాధించినపుడు కపిల్ దేవ్ వయసు 24 సంవత్సరాలు. ఇప్పుడా రోల్ కోసం రెట్టింపునకు పైగా వయసున్న సల్మాన్ ను తీసుకుంటే.. ఎమోషనల్ గా ఆ కేరక్టర్ కి కనెక్ట్ అవడం సాధ్యమేనా అనిపించక మానదు. సల్లూ భాయ్ ఇమేజ్ ను వాడేసుకోవాలనే ఐడియా కంటే.. యంగ్ హీరోలతో బాక్సాఫీసులు కదిలిపోయే సినిమా చేయచ్చని ధోనీ నిరూపించిన సంగతిని.. దర్శకుడు గుర్తిస్తే బెటర్ అంటున్నారు సినీ అభిమానులు.

Like Us on Facebook : https://www.facebook.com/Tupakidotcom/