మాజీ ప్రేయ‌సి నుదిటిపై స‌ల్మాన్ ముద్దు జ్ఞాప‌కం!

బాలీవుడ్ బ్యాచిల‌ర్ సల్మాన్ ఖాన్ ఎఫైర్ల గురించి చెప్పాల్సిన ప‌నిలేదు. అత‌డి కెరీర్ జాబితాలో ఎంతో మంది గాళ్స్ ఉన్నారు. సంగీతా బిజ్లానీ నుంచి లూలియా వంతూర్ వ‌ర‌కూ ఎంతో మంది ఉన్నారు. ఐశ్వ‌ర్యా రాయ్.. క‌త్రినా కైఫ్‌..జాక్వెలిన్ పెర్నాండేజ్.. ఇలా చాలా మంది ఉన్నారు. కానీ డిసెంబ‌ర్ 26న జ‌రిగిన స‌ల్మాన్ బ‌ర్త్ డే వేడుక‌ల్లో మాత్రం సంగీతా బిజ్లానీ స్పెష‌ల్ గా హాజ‌ర‌వ్వ‌డం చ‌ర్చ‌నీయాంశంగా మారింది.

వేడుక చివ‌ర్లో ఆమె నుదిట‌పై స‌ల్మాన్ ఖాన్ ముద్దు పెట్ట‌డం ఒక‌ప్పటి బంధాన్ని ఒక్క‌సారిగా క‌ళ్ల ముందు ఉంచిన‌ట్లు అయింది. దానికి సంబంధించిన వీడియో..ఫోటోలు ఇప్పుడు నెట్టింట దుమారం రేపుతున్నాయి.

ఇది బ‌ర్త్ డే పార్టీనా..మాజీ గాళ్ ప్రెండ్ కోసం ఏర్పాటు చేసిన రీ-యూనియ‌న్ఆకేష‌న్ అంటూ కామెంట్లు పెడుతున్నారు. సంగీతా బిజ్లానీతో స‌ల్మాన్ ప్రేమాయణం ఎంతో ప్ర‌త్యేక‌మైన‌ది.

కెరీర్ ఆరంభంలో మొద‌లైన ప్రేమ అది. సల్మాన్ - సంగీత 1986లో మోడలింగ్ రోజుల్లోనే డేటింగ్ చేయడం ప్రారంభించారు. దాదాపు దశాబ్దం పాటు క‌లిసి ప్ర‌యాణం సాగించారు. ఇద్దరూ వివాహం చేసుకోవాలని నిర్ణయించుకున్నారు. కానీ చివ‌రి నిమిషంలో విడిపోయారు. ఆ త‌ర్వాత వాళ్లిద్ద‌రు మ‌ళ్లీ క‌లిసింది లేదు. స‌ల్మాన్ న‌టుడిగా బిజీ కావ‌డం...సంగీతా బిజ్లానీ మొహమ్మద్ అజారుద్దీన్‌ను వివాహం చేసుకుంది.

ఆ త‌ర్వాత 2010లో విడాకులు తీసుకున్నారు. మంగళవారం జ‌రిగిన సల్మాన్ 57వ పుట్టినరోజు వేడుక‌ల్లో షారుక్‌ ఖాన్‌.. జాన్వీకపూర్‌.. పూజా హెగ్డే.. టబు.. సునీల్ శెట్టి.. రితేశ్ దేశ్ ముఖ్.. జెనీలియా.. సోనాక్షి సిన్హా.. కార్తీక్ ఆర్యన్‌తోపాటుగా.. కొంతమంది సెలబ్రిటీలు హాజరు అయ్యారు.

వాళ్లంద‌రిలో సంగీతా బిజ్లానీ స‌మ్ థింగ్ స్పెష‌ల్ గా ఫోక‌స్ అయింది. సంగీతా బిజ్లానీ 1988లో ఖతిల్ చిత్రంతో బాలీవుడ్‌లోకి అడుగుపెట్టారు. ప్ర‌స్తుతం స‌ల్మాన్ ఖాన్ కొత్త గాళ్ ప్రెండ్ లూలియా వంతూర్ తో డేటింగ్ లో ఉన్న సంగ‌తి తెలిసిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.