మోస్ట్ డిజైర‌బుల్ స‌మంత‌.. ఇంత‌లోనే నెట్ ఫ్లిక్స్ డీల్!

`ది ఫ్యామిలీ మ్యాన్ సీజ‌న్ 2`లో ఎల్.టి.టి.ఇ రెబ‌ల్ రాజీ పాత్ర‌లో స‌మంత న‌ట‌న‌కు క్రిటిక్స్ ప్ర‌శంస‌లు అందుకున్న సంగ‌తి తెలిసిందే. స‌మంత న‌ట‌న‌కు అభిమానులు గొప్ప‌గా అభినందిస్తున్నారు. అక్కినేని కోడ‌లికి సోష‌ల్ మీడియాల్లో ఇప్ప‌టికీ శుభాకాంక్ష‌లు వెల్లువెత్తుతూనే ఉన్నాయి.

ఇంత‌లోనే స‌మంతను చెన్నై టైమ్స్ మోస్ట్ డిజైర‌బుల్ ఉమెన్ 2020 జాబితాలో నంబ‌ర్ 1 స్థానాన్ని క‌ట్ట‌బెట్టింది. తాను ఈ స్థాయికి చేరానంటే దాని వెన‌క క‌ఠోర శ్ర‌మ‌ను ఈ సంద‌ర్భంగా గుర్తు చేసుకున్నారు. కాస్త ఆల‌స్యంగానే అయినా .. మొత్తానికి ఇది ద‌క్కింది. చెన్నై టైమ్స్ కి థాంక్స్ అని ఆనందం వ్య‌క్తం చేశారు.

`ది ఫ్యామిలీ మ్యాన్ 2` స‌క్సెస్ నేప‌థ్యంలో సామ్ కి మ‌రో బంప‌రాఫ‌ర్ త‌గిలింద‌ని తెలుస్తోంది. తాజాగా మరో గ్లోబల్ స్ట్రీమింగ్ సంస్థ నెట్ ఫ్లిక్స్ సమంతను ఓ వెబ్ సిరీస్ కోసం సంప్రదించింది. ప్ర‌స్తుతం చర్చలు సాగుతున్నాయి. నెట్ ఫ్లిక్స్ సమంతకు భారీ పారితోషికాన్ని ఆఫ‌ర్ చేసింద‌ని గుస‌గుస‌లు వినిపిస్తున్నాయి. సామ్ టైటిల్ పాత్ర‌లో స‌రికొత్త థ్రిల్ల‌ర్ సిరీస్ ని తెర‌కెక్కించే ప్లాన్ చేస్తున్నార‌ని తెలిసింది. సమంతా తన నట ప్ర‌తిభ‌ను చూపించేందుకు స్టార్ డమ్ ను పెంచుకునేందుకు విభిన్న ప్రాజెక్టులపై పనిచేయాల‌ని లక్ష్యంగా పెట్టుకుందని తెలిసింది. సామ్ ప్ర‌స్తుతం గుణ‌శేఖ‌ర్ తెర‌కెక్కిస్తున్న `శాకుంత‌లం` చిత్రంలో న‌టిస్తోంది.