చైతూ సరసన మరోసారి సామ్.. నిజమే..నా?

అక్కినేని నాగచైతన్య ప్రస్తుతం మంచి ఫామ్ లో ఉన్నాడనే చెప్పాలి. ఎందుకంటే మజిలీ తర్వాత గ్యాప్ తీసుకొని క్లాస్ డైరెక్టర్ శేఖర్ కమ్ముల దర్శకత్వంలో లవ్ స్టోరీ సినిమా చేసాడు. సాయిపల్లవి హీరోయిన్ గా నటించిన ఈ సినిమా సమ్మర్ కానుకగా ఏప్రిల్ 16న థియేటర్లోకి రానుంది. లవ్ స్టోరీ మూవీ కంప్లీట్ కాకముందే నాగచైతన్య మరో సినిమా ప్రకటించిన సంగతి తెలిసిందే. మనం ఫేమ్ విక్రమ్ కే కుమార్ దర్శకత్వంలో చైతూ థాంక్యూ అనే సినిమా చేస్తున్నాడు. మనం లాంటి సూపర్ హిట్ తర్వాత డైరెక్టర్ విక్రమ్ ఆ రేంజి హిట్ కొట్టలేకపోయాడు. అందుకే ఇప్పుడు ఓ సాలిడ్ హిట్ కోసం ట్రై చేస్తున్నాడు. ప్రస్తుతం థాంక్యూ సినిమా షూటింగ్ ఆల్రెడీ ప్రారంభమైంది.

ఈ సినిమా మొదటి షెడ్యూల్ రాజమండ్రిలో జరుపుతున్నారు మేకర్స్. దిల్ రాజు నిర్మిస్తున్న ఈ సినిమాలో నాగచైతన్య ఓ సాధారణ మధ్యతరగతి కుర్రాడిలా కనిపిస్తాడని టాక్. అలాగే చైతూ ఈ సినిమాలో సూపర్ స్టార్ మహేష్ ఫ్యాన్ గా కూడా అలరిస్తాడని సినీవర్గాలు చెబుతున్నాయి. అయితే ఈ సినిమాలో ఇద్దరు హీరోయిన్స్ తో రొమాన్స్ చేయనున్నాడు చైతు.. ఇంకా హీరోయిన్స్ ఎవరినేది మేకర్స్ రివీల్ చేయలేదు. బట్ కొత్త హీరోయిన్స్ అని టాక్ నడుస్తుంది. ఇదిలా ఉండగా.. ఈ సినిమాలో చైతూ వైఫ్ సమంత అక్కినేని కూడా ఓ గెస్ట్ రోల్ చేయనుందని తాజా సమాచారం. ఇదివరకు విక్రమ్ మనం సినిమాలో కూడా చైతూ, సామ్ లను తీసుకున్నాడు. ఈసారి కూడా చైతూ సామ్ లతో హిట్ కొడతాడని ఫ్యాన్స్ ఎక్సపెక్ట్ చేస్తున్నారు. చూడాలి మరి ఈ హిట్ కపుల్ మరో హిట్ అందుకుంటారేమో!