తుగ్లక్ తో సమంతా ?

పెళ్ళయ్యాక కూడా అవకాశాలకు లోటు లేకుండా చూసుకుంటున్న అక్కినేని సమంతా డైరీ ఇప్పట్లో ఖాళీ అయ్యేలాగా కనిపించడం లేదు. భర్త నాగ చైతన్యతో మజిలి షూటింగ్ లో బిజీగా ఉన్న సాం వచ్చే నెల నుంచి మోస్ట్ వెయిటెడ్ మూవీ 96 రీమేక్ కోసం శర్వానంద్ తో కలిసి సెట్స్ లో అడుగు పెట్టనుంది. ఇప్పటికే దీని మీద పాజిటివ్ వైబ్రేషన్స్ స్టార్ట్ అయిపోయాయి. మరోవైపు నందిని రెడ్డి దర్శకత్వంలో మూవీ కూడా శరవేగంగా జరుగుతోంది.

అయితే త్వరలో 96 ఒరిజినల్ వెర్షన్ హీరో విజయ్ సేతుపతితో సమంతా జట్టు కట్టే అవకాశాలు ఉన్నాయని చెన్నై టాక్. ఈ ఇద్దరు ఇదివరకే సూపర్ డీలక్స్ అనే మూవీ చేసారు. అది విడుదలకు సిద్ధంగా ఉంది. విజయ్ సేతుపతి ట్రాన్స్ జెండర్ గా నటించిన ఆ మూవీలో సమంతా కిల్లర్ పాత్ర పోషించిందని వినికిడి. ఇప్పుడు మరోసారి తుగ్లక్ అనే సినిమా కోసం ఇద్దరు కలిసి నటించబోతున్నట్టు తెలిసింది. అయితే ఇది అఫీషియల్ గా కన్ఫర్మ్ కాలేదు. తుగ్లక్ అవుట్ అండ్ అవుట్ పొలిటికల్ సెటైర్స్ తో ఉంటుందట. ఢిల్లీ ప్రసాద్ దీన్దయాలన్ అనే డెబ్యు దర్శకుడు దీన్ని హ్యాండిల్ చేయబోతున్నారు. అయితే సమంతా సూపర్ డీలక్స్ లో విజయ్ సేతుపతికి జోడి కాదు. కాని తుగ్లక్ లో అతని సరసన నటించేందుకు ఆఫర్ ఇచ్చారట.

కథ విన్న సాం నచ్చిందని త్వరలో నిర్ణయం చేబుతానని హోల్డ్ లో పెట్టినట్టుగా సమాచారం. ఇటీవలే త్రిష తో స్క్రీన్ షేర్ చేసుకున్న విజయ్ సేతుపతి క్రమంగా హీరొయిన్లు కోరి మరీ ఇతని సినిమాలు చేసే రేంజ్ కు చేరుకున్నాడు. గత ఏడాది 96-చెక్క చివత వానం-సీతకతి తో మూడు నెలల్లో హ్యాట్రిక్ హిట్స్ కొట్టిన విజయ్ సేతుపతికి కమల్ హాసన్-విక్రంల తర్వాత అంత విలక్షణమైన నటుడనే పేరుంది. నటనలోనే కాదు వ్యక్తిత్వంలోనూ ఆకట్టుకోవడం విజయ్ సేతుపతి స్టైల్. మరి సాంని తనను జంటగా చూసే ఛాన్స్ దక్కుతుందో లేదో వేచి చూడాలి