అత్త ఆద‌ర్శంతోనే అక్కినేని కోడ‌లు గేమ్ ఛేంజ్‌

అక్కినేని కోడ‌లు స‌మంత పెళ్లి త‌ర్వాత కెరీర్ ప‌రంగా సెల‌క్టివ్ గా ముందుకెళుతున్న సంగ‌తి తెలిసిందే. లేడీ ఓరియెంటెడ్ చిత్రాలు..స్క్రిప్ట్ లో పాత్ర ప్రాముఖ్య‌త‌ను బ‌ట్టే క‌మిట్ అవుతున్నార‌న్న‌ది ట్రాక్ చూస్తేనే తెలుస్తోంది. ఇదే స‌మ‌యంలో సొంతంగా బిజినెస్ లు స్టార్ట్ చేయ‌డం..`ఫ్యామిలీ మ్యాన్ 2` తో వెబ్ సిరీస్ లోకి ఎంట్రీ ఇవ్వ‌డం వంటివి స‌మంత‌లో కొత్త కోణాన్ని బ‌య‌ట‌పెట్టాయి.

అయితే ఫ్యామిలీ మ్యాన్ వెబ్ సిరీస్ రిలీజ్ త‌ర్వాత స‌మంత క్రేజ్ రెట్టింపు అయింది. ఇండియా వైడ్ అక్కినేని కోడ‌లికి అభిమానులు ఏర్ప‌డ్డారు. ఈ నేప‌థ్యంలోనే అక్కినేని ఫ్యామిలీ సొంత బ్యాన‌ర్ అన్న‌పూర్ణ స్టూడియోస్ నిర్మిస్తోన్న వెబ్ సిరీస్ లో సైతం సామ్ న‌టిస్తున్నారు. స‌మంత‌కు ఉన్న క్రేజ్ తో ఆ వెబ్ సిరీస్ మ‌రింత పాపులర్ అవుతుంది. ఇందులో అక్కినేని అమ‌ల కూడా న‌టిస్తున్నారు. మ‌రి ఇందులో ఎవ‌రి పాత్ర‌లు ఎలాంటివి ? అన్న‌ది తెలియాలి.

అయితే ఇక్క‌డ ఓ ఆస‌క్తిక‌ర సంగ‌తి ఉంది. వెబ్ సిరీస్ ల ట్రెండ్ ప్రారంభ‌మ‌వుతోన్న స‌మ‌యంలో అమ‌ల హై ప్రీస్టెస్ అనే వెబ్ సిరీస్ లో న‌టించారు. కానీ అప్పుడ‌ది అంత‌గా పాపుల‌ర్ కాలేదు. మ‌రి ఇప్పుడు కోడ‌లు స‌మంత అత్త‌గారి ఆద‌ర్శంతోనే పెళ్లైన త‌ర్వాత ఇలా ఎంట్రీ ఇచ్చారా? అన్న‌ది గ‌మ్మ‌త్తైన సంగ‌తే. వెబ్ సిరీస్ వేదిక‌పై తెలివైన ఎత్తుగ‌డ‌తో సామ్ పేరు మార్మోగుతోంది. ఆల్రెడీ స‌క్సెస్ లో ఉన్న సిరీస్ కి కొన‌సాగింపు భాగంలో ఛాలెంజింగ్ పాత్ర‌ను ఎంచుకుని మెప్పించి సాటి నాయిక‌ల కంటే తెలివైన న‌టి అని నిరూపించుకోగ‌లిగారు.