సమంత పార్టీకి.. రెడీగా ఉండండి

ఏదైనా పండుగలు వస్తే మన తారలు వెంటనే సినిమా ప్రపంచం నుండి బయటకి వచ్చి సాధారణ వ్యక్తుల్లా మారిపోతారు. వారికి నచ్చిన స్టైల్ లో కుల మతాలకు అతీతంగా ప్రతి పండుగను సెలబ్రేట్ చేసుకుంటారు. ఇక మరి కొన్ని రోజుల్లో క్రిస్మస్ పండుగ రాబోతోంది. డిసెంబర్ 25న మన తారలు ఏ పనులు పెట్టుకోకుండా కుటుంబ సభ్యులతో క్రిస్మస్ సెలబ్రేట్ చేసుకోవాలని స్పెషల్ గా ప్లాన్స్ వేసుకుంటున్నారు. ఇప్పటికే రామ్ చరణ్ - ఉపాసన దంపతులు వారి ఇంట్లో వేడుకలను స్టార్ట్ చేశారు.

ముఖ్యంగా ఉపాసన విస్తారకులతో క్రిస్మస్ ట్రీని తయారు చేసి బంధువులను విందు భోజనానికి ఆహ్వానిస్తోంది. అంతే కాకుండా సెలబ్రిటీలను కూడా ఆహ్వానిస్తున్నారు. ఇక జూనియర్ ఎన్టీఆర్ రీసెంట్ గా తన కుటుంబంతో చరణ్ ఇంటికి వచ్చాడు. అదే విధంగా.. అక్కినేని నవ దంపతులు కూడా ఈ ఫెస్టివల్ ని గ్రాండ్ గా సెలబ్రేట్ చేసుకొనున్నారు. టాలీవుడ్ బెస్ట్ లవ్ బర్డ్స్ సమంత - నాగ చైతన్య పెళ్లి జరిగి అప్పుడే మూడు నెలలు గడిచిపోయింది. కానీ వారి వేడుకలు మాత్రం ఆగడం లేదు. పెళ్లి తర్వాత వస్తోన్న అన్ని పండుగలను వారు స్పెషల్ గా సెలబ్రేట్ చేసుకుంటున్నారు. ముఖ్యంగా క్రిస్మస్ సమంత కి ఇష్టమైన వేడుక కావడంతో చైతు కూడా చాలా ప్లాన్స్ వేస్తున్నాడు.

సమంత క్రిస్టియన్ అని అందరికి తెలిసిందే. అంతే కాకుండా వీరిద్దరూ ఇరు మతాలను గౌరవించి రెండుసార్లు పెళ్లి బంధంతో ఒక్కటయ్యారు. అయతే ఇప్పుడు క్రిస్మస్ వేడుకలను సమంత హైదరాబాద్ లోని తన ఇంట్లో అక్కినేని కుటుంబంతో కలిసి గ్రాండ్ గా పార్టీ చేసుకోనుందట. పలువురు సెలెబ్రెటీలను కూడా పార్టీకి పిలవనుందట. అనంతరం న్యూ ఇయర్ కి సెకండ్ హనీమూన్ ని విదేశాల్లో ప్లాన్ చేసుకున్నారట ఈ లవ్ బర్డ్స్. ఇక సెలబ్రిటీలందరూ సమంత ఇచ్చే క్రిస్మస్ పార్టీకి రెడీగా ఉండండి మరి.