చూశారా!! రెస్టారెంట్లో యంగ్ క‌పుల్

టాలీవుడ్ కొత్త జంట స‌మంత‌... చైతూ మొన్న‌టి వ‌ర‌కు సినిమాలో ఫుల్ బిజీగా ఉన్నారు. ఇప్పుడు త‌మ ప్రాజెక్టుల‌ను పూర్తి చేసుకుని కాస్త రిలాక్స్ మూడ్‌లో ఉన్న‌ట్టు క‌నిపిస్తున్నారు. రెస్టారెంట్‌లో డిన్న‌ర్‌కు వ‌చ్చి... అందరి క‌ళ్ల‌ల్లో ప‌డ్డారు. ఎవ‌రో క్లిక్ చేసిన ఫోటో... చైతూ త‌న సోష‌ల్ ఖాతాలో పోస్టుచేశాడు. అది ఇప్పుడు వైర‌ల్ అవుతోంది.

స‌మంత చేతిలో ఎక్కువే సినిమాలే ఉన్నాయి ఈ ఏడాది. మొన్నటి వ‌ర‌కు రంగ‌స్థ‌లం షూటింగ్‌లో పాల్గొంది. ఆ త‌రువాత కొన్ని సినిమాల‌కు ఓకే చెప్పింది. మ‌ధ్య‌మ‌ధ్య‌లో వెళ్లి షూటింగ్ స్పాట్‌కు వెళ్లి వ‌చ్చింది. అదే స‌మ‌యంలో చైతూ కూడా స‌వ్య‌సాచి సినిమా షూటింగ్ చాలా బిజీ అయిపోయాడు. ఆ సినిమా భారీ షెడ్యూల్ ను పూర్తి చేశాడు. ఈ జంట కొన్ని రోజుల పాటూ ఏకాంతంగా గ‌డ‌ప‌డానికి వీలు లేకుండా పోయింది. ఇప్పుడు ఈ జంట‌కి కాస్త స‌మ‌యం దొరికింది. అందుకే జంట‌గా సిటీలో షికార్లు కొడుతున్నారు. హైద‌రాబాద్ లోని ఓ రెస్టారెంట్‌ కు డిన్న‌ర్ కోసం వ‌చ్చింది ఈ జంట‌. ఈ సంద‌ర్భంగా అక్క‌డున్న వారు ఫోటో తీశారు. ఆ ఫోటోను నాగ‌చైత‌న్య త‌న సోష‌ల్ మాధ్య‌మంలో పోస్టు చేశారు.

స‌మంత పెళ్లయ్యాకే మ‌రింత బిజీ అయిన‌ట్టు క‌నిపిస్తోంది. అంద‌రూ హీరోయిన్లు పెళ్ల‌య్యాక సినిమాలు చేయ‌డం త‌గ్గించుకుంటారు. కానీ సామ్ ఏకంగా ఈ ఏడాది ఆరు సినిమాల‌కు టార్గెట్ పెట్టింది. తెలుగులో మ‌హాన‌టి... రంగ‌స్థ‌లం... ఇలా వ‌రుస సినిమాలు వ‌స్తున్నాయి. అలాగే నాలుగు త‌మిళ సినిమాల‌లో న‌టిస్తోంది. అలాగే ఆమె యూట‌ర్న్ సినిమాను ప్రొడ్యూస్ చేస్తున్న‌ట్టు స‌మాచారం.