ఈ హాలిడే ట్రిప్ పూర్తి కాకుంటే బాగుండు: స‌మంత

టాలీవుడ్ క్యూట్ క‌పుల్ అక్కినేని నాగచైతన్య - సమంత ప్రస్తుతం లండన్‌ లో హాలిడే ట్రిప్ ఎంజాయ్ చేస్తున్న సంగ‌తి తెలిసిందే. వాస్త‌వానికి వారిద్ద‌రూ పెళ్లి త‌ర్వాత 40 రోజుల పాటు హ‌నీమూన్ వెళ్తార‌ని పుకార్లు వ‌చ్చాయి. అయితే, ముందుగా క‌మిట్ అయిన సినిమాల షూటింగ్ ల కోసం వారు ఆ ప్ర‌పోజ‌ల్ ను క్యాన్సిల్ చేసుకున్నార‌ట‌. దీంతో, పెళ్లి తర్వాత చై-సామ్ లు ఇద్ద‌రూ వెంట‌నే సినిమా షూటింగ్ ల‌తో బిజీ అయిపోయారు. ప్ర‌స్తుతం వారిద్ద‌రికీ కొంత సమయం దొర‌క‌డంతో లండన్ లో మినీ హ‌నీమూన్ ను ఎంజాయ్ చేస్తున్నారు. సోష‌ల్ మీడియాలో ఎప్పుడూ యాక్టివ్ గా ఉండే స‌మంత త‌మ లండ‌న్ ప‌ర్య‌ట‌న ఫొటోల‌ను ఇన్‌ స్టాగ్రామ్‌ లో పోస్ట్ చేసింది. త‌న‌కు ఉత్త‌మ‌మైన వ్య‌క్తి తోడున్నాడ‌ని - ఈ హాలిడే ట్రిప్ అస‌లు పూర్తి కావాల‌ని కోరుకోవ‌డం లేద‌ని కామెంట్ కూడా పెట్టింది. ప్ర‌స్తుతం స‌మంత పోస్ట్ చేసిన ఫొటోలు సోష‌ల్ మీడియాలో వైర‌ల్ అయ్యాయి.

సమంత షేర్‌ చేసిన ఫొటోల‌తో పాటు మరో ఫొటో కూడా సోషల్‌ మీడియాలో చక్కర్లు కొడుతోంది. చై-సామ్‌ ఇద్దరూ సెల్ఫీ తీసుకున్న క్యూట్ ఫొటో ఒక‌టి నెటిజ‌న్ల‌ను తెగ ఆక‌ట్టుకుంటోంది. స‌మంత త‌న‌ వెడ్డింగ్ రింగ్ ను రోజ్ ఫ్ల‌వ‌ర్ కు ద‌గ్గ‌ర‌గా పెట్టి తీసిన ఓ ఫొటోను షేర్ చేసింది. దీంతోపాటు, చైతూ ఫొటోను, టేబుల్ మీద బ్రేక్ ఫాస్ట్ చేస్తున్న ఫొటోను పోస్ట్ చేసింది. `` గ్రేట్ ఫుడ్‌, బెస్ట్ కంపెనీ. నెవ‌ర్ వాంట్ దిస్ హాలిడే టు ఎండ్‌`` అని పోస్ట్ చేసింది. నాగ చైతన్య ప్రస్తుతం ‘సవ్యసాచి’ చిత్రంలో, సమంత ‘రంగస్థలం 1985’, సావిత్రి బయోపిక్‌ ‘మహానటి’లోనూ నటిస్తోన్న సంగ‌తి తెలిసిందే.