చై-సామ్ హంగామా మామూలుగా లేదుగా

క్యూట్ స్టార్ కపుల్ నాగచైతన్య-సమంతా ఇద్దరూ తమ బిజీ షూటింగ్ షెడ్యూల్స్ పక్కనబెట్టి రీ ఛార్జ్ అయ్యేందుకు వెకేషన్ కు వెళ్ళిన సంగతి తెల్సిందే. సోషల్ మీడియాలో మహా యాక్టివ్ గా ఉండే అక్కినేని కోడలు ఇప్పటికే వెకేషన్లో ఎంజాయ్ చేస్తున్న కొన్ని ఫొటోలను ఇన్స్టా గ్రామ్ లో అభిమానులతో పంచుకుంది.

ఒక ఫోటోలో పబ్ లో చైతు - సామ్ లు డ్యాన్స్ చేస్తూ రొమాంటిక్ మూడ్ లో ఉండగా మరో ఫోటోలో అక్కినేని బ్రదర్స్ చైతు - అఖిల్ డీజె మ్యూజిక్ ను ఫుల్ గా ఎంజాయ్ చేస్తూ కనిపించారు. ఇవి ఇప్పటికే షేర్ చేసిన ఫోటోలు. తాజాగా మరి కొన్ని ఫోటోలు కూడా బయటకు వచ్చాయి. ఈ అక్కినేని జంట ఇబిజాలో ఉన్నారట. స్పెయిన్ కు దగ్గరగా ఉన్న ఈ ఐల్యాండ్ ఒక బ్యూటిఫుల్ హాలిడే లొకేషన్.

రీసెంట్ గా బాక్స్ ఆఫీస్ వద్ద 'శైలజారెడ్డి అల్లుడు' తో చైతు.. 'U టర్న్' తో సమంతా పోటీ పడిన విషయం తెలిసిందే. ఇక వెకేషన్ నుంచి రాగానే మళ్ళీ చైతు సమంతా లు ఇద్దరూ తమ ప్రాజెక్ట్స్ లో బిజీ అవుతారు. మరోవైపు ఇద్దరూ కలిసి శివ నిర్వాణ దర్శకత్వంలో ఒక సినిమాలో నటిస్తున్నారు.