సమంతకి వధువు కళ వచ్చేసింది

మొత్తానికి టాలీవుడ్ మోస్ట్ బ్యూటిఫుల్ లవర్స్ మరో రెండు రోజుల్లో పెళ్లి పీటలు ఎక్కబోతున్నారు. ఇప్పటివరకు సినీ సెలబ్రెటీలు ఎవ్వరు పెళ్లి చేసుకొని విధంగా అక్కినేని నాగ చైతన్య - సమంత రూత్ ప్రభు జోడి చేసుకోబోతోంది. హిందూ - క్రిస్టియన్ పద్ధతుల్లో ఇరు సంప్రదాయాలను గౌరవించి పెళ్లి చేసుకుంటున్నారు. అంతే కాకుండా ఈ పెళ్లి వేడుకతో అందరికి ఆదర్శంగా కూడా నిలుస్తున్నారు.

మనస్సులు ఎప్పుడు ఒకటయ్యాయోగాని సమంత - చైతు ఏనాడూ జనాల్లో నెగిటివ్ టాక్ ను తెచ్చుకోలేదు. ఇప్పటివరకు పాజిటివ్ గానే వారి ప్రేమను వ్యక్తపరిచారు. అయితే రెండు రోజుల్లో పెళ్లి చేసుకోబోతున్న ఈ జంట ఇప్పటికే గోవాలో అన్ని ఏర్పాట్లని పూర్తి చేసుకుంది. ఏ మాత్రం ఇబ్బంది కలగకుండా నాగార్జున ముందుండి అన్ని చూసుకుంటున్నారట. ఇక పెళ్లి కూతురు - పెళ్లి కొడుకు ప్రస్తుతం ఎంజాయ్ చేస్తున్నారు. రీసెంట్ ఈ జంట యొక్క ఫొటో ఒకటి సోషల్ మీడియాలో వైరల్ అవుతోంది.

సమంత ఆ ఫొటోలో చాలా ఆనందంగా కనిపిస్తోంది. అంతే కాకుండా బ్రైడ్ వైబ్స్ అని ఉన్న ఒక వైట్ టీషర్ట్ వేసుకొని అమ్మడు ఎంత ఆనందంగా ఉందొ చెప్పేసింది. చైతు కూర్చొని చిన్నగా స్మైల్ ఇస్తే సమంత మాత్రం తన స్టైల్ లో వెరైటీ గా నిలబడి స్మైల్ ఇచ్చింది. చూస్తుంటే పెళ్లి కోసం వీరిద్దరూ చాలా ఆతృతగా ఎదురుచూస్తున్నట్లు తెలుస్తోంది. ఇప్పుడే ఇంత ఆనందంగా ఉన్నారంటే పెళ్లిలో ఇంకెంత ఆనందంగా ఉంటారో అని నెటిజన్స్ కామెంట్స్ చేస్తున్నారు. అది సంగతి.