‘రంగస్థలం’లో సమంతకు భలే పేరు

ఆ మధ్య బయటికి వచ్చిన ‘రంగస్థలం’ లీక్డ్ పిక్స్ లో సమంతను చూసి అందరూ షాకైపోయారు. ఎంతో సుకుమారంగా కనిపిస్తూ.. తన ఆహార్యానికి తగ్గ పాత్రలే చేస్తూ వచ్చిన సామ్.. ఒక్కసారిగా పల్లెటూరి అమ్మాయిగా రఫ్ గా మారిపోయి గేదెను తోలుకొస్తూ.. కట్టెల పొయ్యి ముందు కూర్చుని వంట చేస్తూ.. డీజిల్ మోటార్ లోకి డీజిల్ పోస్తూ కనిపించేసరికి అందరూ షాకైపోయారు. సమంతకు ఇలాంటి పాత్రా అని చర్చించుకున్నారు.

సమంత ఇందులో మూగ అమ్మాయి పాత్ర పోషిస్తోందన్న ప్రచారంతో జనాలు మరింత ఆశ్చర్యపోయారు. ఇంకొక్క రోజులోనే సమంత పాత్రకు సంబంధించిన అఫీషియల్ లుక్స్ కూడా బయటికి రాబోతున్నాయి. అప్పుడు ఇంకెంత డిస్కషన్ జరుగుతుందో చూడాలి. తాజా సమాచారం ప్రకారం సమంత ‘రంగస్థలం’లో పోషించే పాత్ర పేరు ‘లచ్చిమి’ అట. ఆల్రెడీ సోషల్ మీడియాలో జనాలు సమంతను లచ్చిమి లచ్చిమి అనేస్తున్నారు.

రామ్ చరణ్ ఈ చిత్రంలో చిట్టిబాబు అనే పాత్రలో కనిపించనున్న సంగతి తెలిసిందే. మరి చిట్టిబాబు-లచ్చిమి జోడీ ఎలా ఉంటుందా అన్న ఆసక్తి కలుగుతోంది. ప్రస్తుతం ‘రంగస్థలం’ చిత్రీకరణ దాదాపుగా పూర్తి కావచ్చింది. ఫిబ్రవరి మూడో వారం నుంచి ఈ చిత్ర పోస్ట్ ప్రొడక్షన్ కార్యక్రమాలు మొదలవుతాయి. మార్చి మొదటి వారంలో ట్రైలర్ లాంచ్ చేస్తారట. మార్చి 30న ఈ చిత్రం ప్రేక్షకుల ముందుకు రానున్న సంగతి తెలిసిందే.