రామలక్ష్మి గా రాబోతున్న సమంత

మెగా పవర్ స్టార్ రామ్ చరణ్ హీరోగా సుకుమార్ దర్శకత్వంలో రూపు దిద్దుకుంటున్న దృశ్య కావ్యమే రంగస్థలం. ఈ సినిమా పై అంచనాలు ఒక రేంజ్ లో ఉన్న మాట వాస్తవమే. ఈ సినిమా మార్చ్ లో విడుదల కు సిద్ధం అవుతుండగా సినిమా టీజర్ ను జనవరి లో విడుదల చేయడం జరిగింది.

రంగస్థలం అనే ఒక చిన్న పల్లెటూరి లో చెవిటి అబ్బాయి చిట్టిబాబుగా మన మనసులను దోచుకున్న చెర్రీ. టీజర్ అంతా బాగానే ఉన్నా, అందులో చరణ్ సరసన నటిస్తున్న మన సమంత ఎక్కడ కనిపించకపోవడంతో ఫాన్స్ చాలా బాధపడ్డారు. అందుకని సుకుమార్ కేవలం రామలక్ష్మి (అదేనండి మన సమంత నటిస్తున్న పాత్ర పేరు) ని ఫోకస్ చేస్తూ మరో టీజర్ ని విడుదల చేయ సిద్ధమయ్యాడు. ఆ వీడియో రేపు ఉదయం 11 గంటలకు విడుదల అవ్వబోతోంది. కాగా ఈ విషయాన్ని మన సమంత మళ్ళీ గుర్తుచేసేందుకు ట్విట్టర్ లో పోస్ట్ కూడా పెట్టింది.

"నాకు రామలక్ష్మి గా నటిస్తున్నపుడు కలిగిన ప్రేమే మీకు కూడా చూస్తున్నప్పుడు కలుగుతుందని ఆశిస్తున్నా.. ఇలాంటి అద్భుతమైన గర్వించదగ్గ పాత్రను నాకు ఇచ్చినందుకు సుకుమార్ కు ధన్యవాదాలు" అంటూ తన ఫోటోను కూడా పెట్టింది. వెనక్కి తిరిగి కూర్చున్న రామ లక్ష్మీ మనకు దర్శనం ఇస్తుండగా "మా రామలక్ష్మి ని రేపు 11 గంటలకు కలవండి" అని రాశారు. చిట్టిబాబు లాగానే రామలక్ష్మి కూడా మనల్ని మెప్పిస్తుందో లేదో వేచి చూద్దాం.