హమ్మయ్యా.. సమంత ఎంట్రీ ఇచ్చింది

మొన్నామధ్యన 'అ..ఆ' సినిమా రిలీజ్‌ ముందువరకు తెగ ప్రమోట్‌ చేసిన సమంత.. ఆ తరువాత మీడియాలో కనిపిస్తే ఒట్టు. అందుకే అభిమానులు బాగా అప్సెట్‌ అయ్యారు. సక్సెస్ మీట్‌ లో మాట్లాడేశాక సమంత హ్యాండిచ్చేసిందని బాగా డిజప్పాయింట్ అయ్యి.. ఆమెకు ట్విట్టర్లో బోలెడన్ని ట్వీట్లు పెట్టసాగారు. దానితో సమంత కూడా ఏదో ఒకటి రెండు ట్వీట్లతో వారిని అలరిస్తూ వచ్చింది.

ఇకపోతే సిని'మా' అవార్డులు.. ఫిలింఫేర్‌ లో కూడా సమంత కనిపించలేదు. కొంపతీసి పెళ్లి చేసుకునే వరకు ఎక్కడా కనిపించదా ఏంటి అనే సందేహం కూడా వచ్చేసింది అందరికీ. అనూహ్యంగా ఈరోజు సాయంత్రం సింగపూర్ లో మెరుపులు మెరిపించింది సమంత. విరబూసిన కురులు.. చేతుల్లేని కుచ్చుల గౌను.. దగదగా మెరుస్తున్న నక్లెస్‌.. అబ్బో చూడ్డానికి అచ్చం డిస్నీ బొమ్మలా ఉంది సమంత. బార్భీ చెల్లెలిలా అందం విరజిల్లుతూ.. అజంతా శిల్పాల కజిన్‌ లా ఈ సాయంత్రాన్ని మత్తెక్కించింది. సింగపూర్ లో జరుగుతున్న సైమా 2016 అవార్డుల వేడుకలో సమంత ఈ ఫీట్‌ చేసిందండోయ్‌. అమ్మడు అలా గ్లామరస్ గా అక్కడ ఎంట్రీ ఇవ్వడంతో.. జనాలు సోషల్ నెట్వర్కులో పండగ చేసుకున్నారు.

మరి మీరు కూడా సమంత గ్లామరసం చూసి ఎంజాయ్ చెయ్యండే!!