ఆ విష‌యంలో చైతూని బీట్ చేసిన స‌మంత‌!

టాలీవుడ్ లోని హీరోయిన్ల‌లో స‌మంత సోషల్ మీడియాలో చాలా యాక్టివ్ గా ఉంటుంద‌న్న సంగ‌తి తెలిసిందే. త‌న‌తో పాటు త‌న బెట్ట‌ర్ హాఫ్ నాగ చైత‌న్య కు సంబంధించిన విష‌యాల‌ను కూడా స‌మంత ట్విట్ట‌ర్ - ఇన్ స్టాగ్రామ్ లో షేర్ చేస్తుంటుంది. అందుకే స‌మంత‌ను ట్విట్ట‌ర్ లో ఫాలో అయ్యేవారి సంఖ్య రోజురోజుకూ పెరిగిపోతోంది. ప్ర‌స్తుతం ట్విట్ట‌ర్లో స‌మంత‌కు 5.6 మిలియ‌న్ల ఫాలోవ‌ర్లున్నారు. ద‌క్షిణాది ఇండ‌స్ట్రీల‌లో హీరో ధ‌నుష్ త‌ర్వాత స‌మంత‌కే ఎక్కువ‌మంది ఫాలోవ‌ర్లుండ‌డం విశేషం. అంతేకాదండోయ్ - ఈ విష‌యంలో నాగ‌చైత‌న్య స‌మంత‌కు ద‌రిదాపుల్లో కూడా లేక‌పోవ‌డం విశేషం.

అందులోనూ అక్కినేని ఇంటి కోడ‌లైన స‌మంత త‌న మామ‌గారు - అత్త‌గారి విష‌యాల‌ను కూడా ట్వీట్ చేస్తోంది. దీంతో, త్వ‌ర‌లోనే స‌మంత‌ 6 మిలియన్ మార్కును రీచ్ అయ్యేలా క‌నిపిస్తోంది. అయితే, స‌మ్మూ బెట‌ర్ హాఫ్ చైతూ మాత్రం ఈ విష‌యంలో వెనుక‌బ‌డి ఉన్నాడు. చైతూ తాజాగా మిలియన్ మార్కును అందుకున్నాడు. అయితే, త‌న‌క‌న్నా సమంత పెద్ద స్టార్ అని చైతూ మొహ‌మాట‌ప‌డకుండా చెప్పేశాడు కూడా. స‌మంత కెరీర్ తొలినాళ్ల‌లోనే స్టార్ హీరోయిన్ అయింద‌ని - తాను ఇంకా ఆ స్టేజికి చేరుకోలేద‌ని చెప్పాడు. అందులోనూ, స‌మంత త‌న సినిమాల‌కు సంబంధించిన పోస్టుల‌తోపాటు - స్వ‌చ్ఛంద సేవా కార్య‌క్ర‌మాల‌కు సంబంధించిన పోస్టుల‌ను కూడా ట్వీట్ చేస్తుంటుంది. దీంతో, స‌మంత‌కు సోష‌ల్ మీడియాలో ఫ్యాన్స్ ఎక్కువ‌.