ఖుషి టైటిల్ వెనుక సమంత.. అసలు నిజం ఇదే!

పవర్ స్టార్ పవన్ కళ్యాణ్ సినిమా కెరీర్ లోనే అత్యధిక స్థాయిలో క్రేజ్ అందుకున్న సినిమాల్లో ఖుషి సినిమా ఒకటి. ఆ సినిమా సాధించిన విజయం అప్పట్లో ఒక ట్రెండ్ సెట్ చేసింది అనే చెప్పాలి. అభిమానులకు కూడా పవన్ కళ్యాణ్ ను చాలా దగ్గరగా చేసిన సినిమా ఇది. ఖుషి గురించి ఇప్పటికి కూడా జనాలు మాట్లాడుకుంటూనే ఉంటారు. పెద్దగా యాక్షన్ ఎపిసోడ్స్ ఎలివేషన్స్ లేకపోయినా కూడా ఆ సినిమా బాక్సాఫీస్ రికార్డులను క్రియేట్ చేసింది.

పవన్ నటించిన విధానం భూమికతో కొనసాగిన కెమిస్ట్రీ ఇలా కొన్ని సెన్సిటివ్ అంశాలతో ఆ సినిమా మ్యాజిక్ క్రియేట్ చేసింది అనే చెప్పాలి. ఇక అలాంటి టైటిల్ తో విజయ్ దేవరకొండ కూడా సమంత తో ఒక సినిమా చేస్తున్నాడు.

అయితే ఈ సినిమా టైటిల్ విజయ్ దేవరకొండ సినిమాకు పెట్టడం ఓ వర్గం అభిమానులకి నచ్చలేదు అనే చెప్పాలి. ఆ టైటిల్ ను ఎందుకు అనవసరంగా వృధా చేస్తున్నారు అని కామెంట్స్ కూడా చాలానే వచ్చాయి.

కానీ దర్శకుడు శివ నిర్వాణ మాత్రం ఆ టైటిల్ అనుకోవడానికి ఒక ప్రత్యేకమైన రీజన్ ఉంది అని కూడా చెబుతున్నాడు. దర్శకుడు శివ పనితనం గురించి ప్రత్యేకంగా చెప్పనవసరం లేదు.

నిన్ను కోరి, మజిలీ సినిమాలతో అతను బాక్సాఫీస్ వద్ద మంచి విజయాలను సొంతం చేసుకున్నాడు. అతడి సినిమాలో ఒక మంచి పోయెట్రీ కూడా ఉంటుంది. ఇక ఖుషి టైటిల్ పెట్టడానికి ఒక ప్రధానమైన కారణం కూడా ఉందని తెలుస్తోంది.

దాని వెనుక సమంత కూడా ఉన్నట్లు సమాచారం. ఈ సినిమాలో సమంత క్యారెక్టర్ పేరు ఖుషి అని తెలుస్తోంది. సమంత పాత్ర చుట్టూ ఈ సినిమా కథ కొనసాగుతుందట. దీంతో ఈ సినిమాకు ఖుషి టైటిల్ పర్ఫెక్ట్ గా సెట్ అవుతుంది అని దర్శకుడు ఏ మాత్రం ఆలోచించకుండా ఈ నిర్ణయానికి వచ్చినట్లు తెలుస్తోంది. ఇక విజయ్ దేవరకొండ కూడా దర్శకుడి నిర్ణయానికి ఏ మాత్రం అడ్డుచెప్పలేదు అని సమాచారం. మరి పవన్ కళ్యాణ్ సినిమా టైటిల్ తో వస్తున్న ఈ కొత్త ఖుషి ఎంతవరకు హిట్ అవుతుందో చూడాలి.