బ‌ర్త్ డే విషెస్‌ తో పాటు తెగ పొగిడేసిన శామ్‌

తెలంగాణ రాష్ట్ర మంత్రి కేటీఆర్ పుట్టిన రోజు సంద‌ర్భంగా ప్ర‌ముఖ‌సినీ న‌టి.. తెలంగాణ చేనేత వ‌స్త్రాల బ్రాండ్ అంబాసిడ‌ర్ స‌మంత చేసిన ట్వీట్ ఆస‌క్తిక‌రంగా మారింది. కేటీఆర్ కు బ‌ర్త్ డే విషెస్ చెప్పిన స‌మంత‌.. ప‌నిలో ప‌నిగా ఆయ‌న‌పై పొగ‌డ్త‌ల వ‌ర్షం కురిపించారు. ట్విట్ట‌ర్ లో పుట్టిన రోజు శుభాకాంక్ష‌లు తెలిపిన స‌మంత‌.. అత్యంత ప్రియ‌మైన నాయ‌కుడికి శుభాకాంక్ష‌లు అంటూ పేర్కొన్నారు.

నిజ‌మైన స్ఫూర్తి.. న‌మ్మ‌కం క‌లిగించే మీతో ప‌రిచ‌యం ఏర్ప‌డ‌టం గౌర‌వంగా భావిస్తున్నాను స‌ర్ అంటూ ట్వీట్ చేశారు. స‌మంత ట్వీట్‌ కు కేటీఆర్ అంతేలా రియాక్ట్ అయ్యారు. స‌మంత విషెస్ కు ధ‌న్య‌వాదాలు చెప్పిన ఆయ‌న‌.. ఈ సంద‌ర్భంగా ఆమెను పొగిడారు. మా చేనేత ప్ర‌చార‌క‌ర్త (అంబాసిడ‌ర్‌)కు ధ‌న్య‌వాదాలు.. మీ ఫోక‌స్‌.. ప‌ని ప‌ట్ల నిబ‌ద్ధ‌తతో నూత‌న ఉత్తేజాన్ని తీసుకొచ్చారు.. వొవెన్ 2017 (చేనేత వ‌స్త్రాల ఫ్యాష‌న్ షో) కోసం ఆస‌క్తిగా ఎదురుచూస్తున్నా అంటూ బ‌దులిచ్చారు. కేటీఆర్ ట్వీట్‌ కు స్పందించిన స‌మంత థ్యాంక్స్ చెప్పి ముక్తాయించారు. మిగిలిన ట్వీట్లు బ‌ర్త్ డే విషెస్‌.. థ్యాంక్స్ ల‌తో స‌రి పెట్ట‌గా.. స‌మంత ట్వీట్ మాత్రం కేటీఆర్‌ ను పొగిడేసి కాస్త భిన్నంగా నిలిచారు.