సినిమా చేయదు కానీ.. ఏసీ కొనమంటోంది

టాలీవుడ్ బ్యూటీ సమంత చివరగా కనిపించిన తెలుగు సినిమా జనతా గ్యారేజ్. ఆ తర్వాత నుంచి అక్కినేని ఫ్యామిలీ మెంబర్ గా మారబోతుండడంతో చాలా పనులు చక్కబెట్టుకుంటోంది శామ్. అఖిల్ ఎంగేజ్మెంట్ నుంచి.. అక్కినేని ఫ్యామిలీ ఈవెంట్స్ లో సందడి చేసిన ఈ బ్యూటీ.. మరోవైపు కమర్షియల్ ఎండార్స్ మెంట్స్ లోనూ దూసుకుపోతోంది.

ఇప్పటికే మాజా.. పారగాన్.. సౌత్ ఇండియా షాపింగ్ మాల్.. లక్స్.. జ్యూవెల్ వన్ లాంటి కంపెనీలతో పాటు ఇంకా కొన్ని బ్రాండ్స్ సమంత చేతిలో ఉన్నాయి. వీటితో పాటు ఇప్పుడు హిటాచి ఎయిర్ కండిషనర్స్ కి కూడా సైన్ చేసేసింది. రాబోయే సమ్మర్ లో ఏసీల అమ్మకాలు పెంచుకునేందుకుగాను.. సౌత్ సేల్స్ పై దృష్టి పెట్టిన ఈకంపెనీ.. సమంతతో అగ్రిమెంట్ చేసుకుంది. ఈ కంపెనీకి ప్రచారం చేయబోతున్నట్లు సమంత కన్ఫాం చేసింది. ఇప్పటికే యాడ్ షూటింగ్ ముంబైలో ప్రారంభమైపోయింది కూడా.

ఇక సినిమాల విషయానికి వస్తే.. రెండు తమిళ సినిమాలు ఒప్పుకుంది కానీ.. తెలుగులో మాత్రం ఒక్క మూవకి కూడా సైన్ చేయలేదు. మహానటి సావిత్రి పై తీస్తున్న బయోపిక్ లో జర్నలిస్ట్ గా నటిస్తోందనే టాక్ ఉంది కానీ.. ఆ న్యూస్ ని శామ్ కన్ఫాం చేయలేదు. ఇక రాజుగారి గది 2 లో కూడా ఓ చిన్న రోల్ చేయనుందనే టాక్ ఉంది.

Like Us on Facebook : https://www.facebook.com/Tupakidotcom/