నాకేం సంబంధం లేదంటున్న సమంత

మహేష్‌ బాబు షూటింగ్‌ ఆపేసి మరీ ప్యారిస్‌ ట్రిప్‌ షురూ చేశాడంటే.. దానికి కారణం సమంత అంటూ ఇప్పటికే టాలీవుడ్‌ లో చాలా గాసిప్స్‌ వినిపించాయి. అయితే అందులో నిజం లేకపోలేదు అంటూ కొంతమంది సన్నిహితులు కూడా సెలవిచ్చారు. కాని సమంత మాత్రం అందుకు పూర్తి విరుద్దమైన స్టోరీ ఒకటి చెప్పుకొచ్చింది. పదండి చూద్దాం.

నిజానికి ఈ నెల మొదటి వారంలో మొదలై.. వచ్చే నెల మొదటి వారం వరకు ఏకదాటిగా ''బ్రహ్మోత్సవం'' సినిమా షూటింగ్‌ జరగాల్సి ఉంది. కాని సడన్‌ గా సమంత తన కాల్‌ షీట్లను తమిళ సినిమా ప్రమోషన్లకు అక్కడ పెండింగ్‌ లో ఉన్న ధనుష్‌ - విజయ్‌ సినిమాల ప్యాచ్‌ వర్కు కోసం వాడేయటం వలన.. ఇక్కడ మహేష్‌ కోసం ఇవ్వలేకపోయిందనే టాక్‌ ఉంది. అందుకే సినిమా షూటింగ్‌ ను ఆపేసి మహేష్‌ తన ఫ్యామిలీతో కలసి యురోప్‌ ట్రిప్ వెళ్ళాడు.

కట్‌ చేస్తే.. సమంత ఏమంటుందంటే.. ''అబ్బే.. నా డేట్లను అసలు వారు అప్పుడే అడగలేదు.. నా కాంబినేషన్ లో వచ్చే సీన్లన్నీ కూడా తరువాత ఎప్పుడో షూట్‌ చేస్తారట. సో.. ఇంకో నెల తెరువాతే నేను బ్రహ్మోత్సవం సెట్‌ లోకి అడుగు పెట్టేది.. ఈ పోస్టుపోన్‌ అండ్‌ ప్యారిస్‌ విషయంలో నాకేం సంబంధం లేదు'' అంటూ సెలవిచ్చింది మన బంగారం.