మిలియన్ డాలర్ల రామలక్ష్మి

'నువ్వంటే నాకిట్టం' అంటూ మాట వినపడని చిట్టిబాబుని ఉడికించిన రామలక్ష్మి పాత్రలో అదుర్స్ అనిపించిన సమంతా రిలీజ్ టైంలో ఇక్కడ లేకపోయినా వచ్చిన తర్వాత ఆ ఆనందాన్ని దాచుకోలేకపోతోంది. పెళ్ళయాక హీరొయిన్లకు అవకాశాలు తగ్గటమే కాదు వాళ్ళ సినిమాలు కూడా హిట్ కావన్న సంప్రదాయాన్ని కూడా సమంతా బద్దలు కొట్టేసింది.అందుకే తన ఫాన్స్ కూడా గాల్లో తెలిపోతున్నారు. ఇదిలా ఉంటె మరో అరుదైన రికార్డు కూడా సామ్ సొంతం చేసుకుంది. అదేంటంటే ఓవర్సీస్ లో అత్యధిక మిలియన్ డాలర్ మూవీస్ ఉన్న ఏకైక హీరొయిన్ సమంతానేనట. రంగస్థలంతో కలిపి ఈ రేర్ ఫీట్ సామ్ సాధించేసింది. దూకుడు-ఈగ-సీతమ్మ వాకిట్లో సిరిమల్లె చెట్టు-అత్తారింటికి దారేది-సన్ అఫ్ సత్యమూర్తి-మనం-24-తేరి-బ్రహ్మోత్సవం-అఆ-జనతా గ్యారేజ్-మెర్సల్ ఇప్పుడు రంగస్థలం ఇలా తన ప్రస్తానం కొనసాగుతూనే ఉంది. ఏ హీరోకూ ఈ ఫీట్ సాధ్యం కాలేదు.

ఇలా ఈ స్టేజి లో ఉండడానికి చాలా త్యాగాలే చేసానని చెబుతున్న సమంతా ఈగ ఆఫర్ కోసం రెమ్యునరేషన్ తక్కువైనా రెండు స్టార్ హీరోల సినిమాలు వదులుకున్నానని కాని అది సక్సెస్ అయ్యి తన నటనకు పేరు వచ్చాక మళ్ళి డ్రాప్ అయిన హీరోల సినిమాల్లోనే చెరీ రెండు సార్లు నటించడం మర్చిపోలేని అనుభవమని చెప్పుకొచ్చింది. కథకు ప్రాధాన్యం ఇవ్వడం వల్లే ఇది సాధ్యమైంది అంటున్న సమంతా రంగస్థలంలో రామలక్ష్మి పాత్ర వెరీ వెరీ స్పెషల్ అంటోంది. ఒకవేళ ఇతర బాషలలో ఎవరైనా రీమేక్ చేస్తామంటే తాను మాత్రం నటించనని ఆ మేజిక్ మళ్ళి రీ క్రియేట్ చేయలేమని కుండ బద్దలు కొట్టేసింది. ప్రేక్షకుల మనసులో చిట్టిబాబు రామలక్ష్మిగానే గుర్తుండిపోవాలని చెబుతోంది. ఏదైతేనేం పెళ్లి తన కెరీర్ మీద ఎలాంటి ప్రభావం చూపదని సమంతా ముందు చెప్పిన మాటే నిజమైంది. మహానటి-అభిమన్యుడు విడుదలకు సిద్ధంగా ఉండగా మరో రెండు నెలల్లో యు టర్న్ షూటింగ్ కూడా పూర్తయిపోతుంది. ఆ తర్వాత భర్తతో కలిసి రెండు సినిమాల్లో హీరొయిన్ గా చేసే అవకాశం ఉంది సమంతాకు.