యువ‌రాణిగా దెయ్యంగా ద్విపాత్రాభిన‌యం?

సౌత్  స్టార్ హీరోయిన్ సమంత రూత్ ప్రభు `ది ఫ్యామిలీ మ్యాన్ 2`తో హిందీ వెబ్ సిరీస్ లోకి అడుగుపెట్టిన తర్వాత బాలీవుడ్ నుండి వ‌రుస ఆఫర్ లను అందుకుంటోంది. ఏదైనా ఒక ప్రాజెక్ట్ ను ఎంచుకునే ముందు చాలా స‌మ‌యం వెచ్చిస్తోంది. సెల‌క్టివ్ గా మంచి  స్క్రిప్టుల‌కు ఓకే చెబుతోంది.

తాజా స‌మాచారం మేర‌కు.. ప్ర‌ముఖ ఫిలింమేక‌ర్ దినేష్ విజన్ త‌దుప‌రి చిత్రంలో నటించేందుకు స‌మంత అంగీక‌రించింది. స్త్రీ- భేదియా - ముంఝా తర్వాత అత‌డి నుంచి హారర్ కామెడీ రానుంది. మాడాక్ ఫిల్మ్స్ లో ఇది వ‌రుస‌గా నాల్గవ చిత్రం అవుతుంది. సమంతా రూత్ ప్రభు ఇందులో యువరాణిగా నటించనున్నారు. ఈ హారర్-కామెడీలో ఆయుష్మాన్ ఖురానా రక్త పిశాచి పాత్రలో నటించనున్నాడు.

ఈ మూవీ కోసం నిర్మాత దినేష్ విజన్ సమంతా రూత్ ప్రభుని సంప్రదించినట్లు గతంలోనే వార్తలు వచ్చాయి. చ‌ర్చ‌లు ముగిసాయి. ఇప్పుడు ఈ ప్రాజెక్ట్ కి స‌మంత అధికారికంగా సంతకం చేసినట్లు తెలుస్తోంది. హారర్-కామెడీ విశ్వాన్ని (యూనివ‌ర్శ్) ముందుకు తీసుకెళ్తున్న ఈ చిత్రంలో తార‌లంతా ఫాంటసీ పాత్రలను పోషిస్తారు. తాజా క‌థ‌నాల ప్రకారం..ఈ చిత్రానికి అమర్ కౌశిక్ దర్శకత్వం వ‌హిస్తారు. నిరేన్ భట్ స్క్రిప్ట్ రాయనున్నారు.

ప్రేతాత్మ అంటూ ప్ర‌చారం..

సామ్ ఇప్ప‌టికే యువ‌హీరో వరుణ్ ధావన్ తో తన వెబ్ సిరీస్ కోసం సిద్ధమవుతోంది. ఇది రస్సో బ్రదర్స్ `సిటాడెల్`కి భారతీయ వెర్షన్. ఈ సిరీస్ కోసం మార్షల్ ఆర్ట్స్ లో స‌మంత‌ శిక్షణ పొందుతోంది. అయితే అదే సమయంలో తన తొలి హిందీ సినిమా షూటింగ్ కి ఓకే చెప్ప‌డం ఆస‌క్తిక‌రం. ఇటీవల‌ ఆయుష్మాన్ ఖురానాతో కలిసి వర్క్ షాప్ లలో పాల్గొంటోంది. రాజస్థాన్ నేప‌థ్యంలో మరో జానపద కథ ఆధారంగా ఈ చిత్రం రూపొందిందని సామ్ ఈ మూవీలో రాజ్ పుత్ యువరాణిగా అలాగే ప్రేతాత్మ (దెయ్యం)గా న‌టిస్తుంద‌ని టాక్ వినిపిస్తోంది.

ఆయుష్మాన్ ఆమె ప్రేమికుడిగా కనిపిస్తారు. ఓంకార్ హార్రర్ చిత్రం రాజు గారి గది 2 లో సామ్ ఇంత‌కుముందే నటించింది. కానీ అది బాక్సాఫీస్ వద్ద విజ‌యం సాధించ‌లేదు. ఇప్పుడు మ‌ళ్లీ హార‌ర్ జాన‌ర్ ని ట‌చ్ చేస్తోంది. బాలీవుడ్ లో థ్రిల్ల‌ర్ కం హార‌ర్ మూవీ భూల్ భుల‌యా 2 విజ‌యం త‌ర్వాత సామ్ లో ఆశ‌లు చిగురించాయ‌ని భావించాలి.

విజయ్ దేవరకొండ తో ఖుషీ.. అలాగే యశోద సినిమాల్లోనూ సామ్ న‌టిస్తోంది. ఆయుష్మాన్ ఖురానా కెరీర్ ప‌రంగా బిజీ బిజీ. అత‌డు డ్రీమ్ గర్ల్ 2 -డాక్టర్ జి స‌హా ఇతర ప్రాజెక్ట్ లు చేస్తున్నాడు. వరుణ్ ధావన్ - కృతి సనన్ జంటగా నటించిన భేడియా చిత్రానికి అమర్ కౌశిక్ దర్శకత్వం వహించనున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.