సమంత కూడా పద్మశ్రీపై కన్నేసిందా?

సౌత్ లో టాప్ క్రేజ్ ఉన్న హీరోయిన్లలో సమంత పేరు టాప్ లోనే వినిపిస్తుంది. తెలుగు - తమిళ్ భాషల్లో టాప్ స్టార్స్ అందరితోటీ వరుసగా ప్రాజెక్టులు చేస్తోంది. టాప్ లీగ్ డైరెక్టర్లకు కూడా బెస్ట్ ఛాయిస్ సమంతే. ఇప్పటి ట్రెండ్ ప్రకారం చూసుకుంటే.. కనీసం ఇంకో ఐదారేళ్లు సమంత హవా కంటిన్యూ అయ్యే ఛాన్సులున్నాయి.

కానీ సమంతలో మరో యాంగిల్ కూడా ఉంది. అదే ప్రజలకు సేవా కార్యక్రమాలు. ప్రజాసేవ అంటే రాజకీయాలు అనుకోకండి.. ఇది ఛారిటీ సంస్థ సేవలు. తన రెమ్యూనరేషన్ లో చాలావరకు కష్టాల్లో ఉన్నవారి కోసం సమంత ఖర్చుపెడుతూ ఉంటుందని కొందరికి మాత్రమే తెలుసు. అంత సైలెంట్ గా చేసేస్తూ ఉంటుంది. ఇప్పుడు సమంత ఫౌండేషన్ పేరుతో.. ప్రముఖంగానే సేవలు చేయాలని నిర్ణయించుకుంది. సినిమాలు చేసినన్నాళ్లు చేసి ఆ తర్వాత ఈ ఛారిటీ సంస్థపైనే ఫుల్లు ఫోకస్ పెట్టాలని సమంత అనుకుంటోందట.

ఇలా యాక్టింగ్ లోనే ఉంటూ తన ఛారిటబుల్ ట్రస్ట్ ద్వారా.. నేత్రదానం - రక్తదానం నిర్వహించారు మెగాస్టార్. ఆయనకు అప్పట్లో పద్మభూషణ్ ఇచ్చింది కేంద్రం. రీసెంట్ గా సోషల్ యాక్టివిస్ట్ సునీతా కృష్ణన్ కు.. సమాజ సేవ చేసింనందుకు కూడా పద్మశ్రీ పురస్కారం లభించింది. ఇప్పుడు సమంత కూడా ఇదే రేంజ్ లో సేవలు చేసేందుకు ప్లాన్ చేసేసుకుంది. ఫ్యూచర్‌ లో సమంత చారిటీ మీదనే ఫోకస్‌ చేస్తుందట. ఇలాగైతే సమంతకి కూడా పద్మశ్రీ గ్యారంటీఅనుకుంటున్నారు సినిమా జనాలు. అందుకే ఇప్పటివరకూ సైలెంగ్ చేసిన సేవలను.. ఇకపై ఫౌండేషన్ ద్వారా నిర్వహించాలని డిసైడ్ చేసుకుంది అంటున్నారు.