అభిమానికి చేరని వాయిదా వార్త.. సమంత ఫ్యాన్ అప్సెట్..!

ఈమధ్య కాలంలో ఒక సినిమా ప్రేక్షకుడికి చేరువవ్వాలి అంటే సరైన ప్రమోషన్స్ చేయాల్సిందే. స్టార్ సినిమా అయినా అది స్మాల్ హీరో సినిమా అయినా సరే ఓ రేంజ్ లో ప్రమోషన్స్ చేస్తేనే కానీ ఆడియన్స్ థియేటర్ లకు రావట్లేదు.

అలాంటిది సమంత నటిస్తున్న శాకుంతలం సినిమాకు అసలు ప్రమోషన్స్ చేయరేంటి అని సమంత హార్డ్ కోర్ ఫ్యాన్ ఒకరు ఆ సినిమా నిర్మాత అయిన నీలిమ గుణకి ట్వీట్ చేశాడు. సమంత లీడ్ రోల్ లో గుణశేఖర్ దర్శకత్వంలో వస్తున్న సినిమా శాకుంతలం. గుణ టీం వర్క్స్ బ్యానర్ లో నీలిమ గుణ ఈ మూవీ నిర్మిస్తుండగా దిల్ రాజు సమర్పిస్తున్నారు. సినిమాలో శాకుంతల పాత్రలో సమంత కనిపిస్తుంది.

మళయాళ నటుడు దేవ్ మోహన్ ఈ సినిమాలో మేల్ లీడ్ గా నటిస్తున్నారు. సినిమా ఫస్ట్ లుక్ పోస్టర్ రిలీజ్ చేస్తూ నవంబర్ 4 రిలీజ్ అని ఎనౌన్స్ చేశారు. అక్టోబర్ చివరి వారానికి వచ్చేశాం నవంబర్ 4న సినిమా రిలీజైతే ఇంత సైలెంట్ గా ఉన్నారేంటి అని సదరు సమంత ఫ్యాన్ నీలిమ గుణకి ట్వీట్ చేస్తే.

సినిమా వాయిదా వేసినట్టు చెప్పారు. సినిమాని వాయిదా వేశారన్న వార్త వారిలో వారు అనుకుంటే సరిపోదు. ఫ్యాన్స్ కి తెలియాల్సి ఉంటుంది. నవంబర్ 4న సమంత సినిమా కోసం ఎదురుచూస్తున్న ఫ్యాన్స్ ఈ విషయం తెలిసి అప్సెట్ అయ్యారు.

శాకుంతలం సినిమా ప్రస్తుతానికి నవంబర్ 4న తీసుకురాలేకపోతున్నాం. సినిమా రిలీజ్ ఎప్పుడు అన్నది త్వరలో ఎనౌన్స్ చేస్తానని నీలిమ గుణ ట్వీట్ చేశారు. అయితే వాయిదా వేస్తున్నాం అన్న వార్త కూడా అభిమానులకు చేరలేదు అంటే శాకుంతలం టీం ప్రమోషన్స్ లో ఎంత వీక్ గా ఉందో అర్ధం చేసుకోవచ్చు.

సినిమా రిలీజ్ కి నెల ముందు కాకుండా చేస్తున్నది భారీ సినిమా కాబట్టి సినిమా గురించి ప్రేక్షకుల్లో ఓ బజ్ క్రియేట్ చేసేందుకు ప్రమోషన్స్ కంపల్సరీ.. మరి ఈ విషయంలో శాకుంతలం టీం చాలా వెనకపడి ఉందని చెప్పొచ్చు. శాకుంతలం సినిమాతో పాటుగా సమంత యశోద అంటూ మరో ఫీమేల్ సెంట్రిక్ మూవీ చేస్తున్నారు. ఈ సినిమా అయితే నవంబర్ 11న రిలీజ్ ఫిక్స్ చేశారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.