మోసం చేశారట.. అందర్నీ తీసేసింది

టాలీవుడ్ బ్యూటీ సమంత ఎప్పుడూ బిజీబిజీగా ఉంటుందనడంలో ఆశ్చర్యం అక్కర్లేదు. మరి ఇంత బిజీగా ఉండే సెలబ్రిటీలు తమ వ్యక్తిగత వ్యవహారాల కోసం పర్సనల్ స్టాఫ్ ను ఏర్పాటు చేసుకుంటూ ఉంటారు. అయితే.. వీరు తనను మోసం చేశారనే అనుమానం రావడంతో ఒక్కసారిగా తన టీం మొత్తాన్ని తొలగించేసి కొత్తవారిని ఏర్పాటు చేసుకుందిట సమంత.

ఇంతకీ వారిపై ఇంత కోపం రావడానికి కారణం ఏంటంటే.. వారంతా తనకు నమ్మక ద్రోహం చేశారన శామ్స్ భావించడమే. ఈ మొత్తం సంఘటనకు ఓ ఉంగరం కారణంగా చెబుతున్నారు. సాధారణంగా షూటింగ్ లకు వెళ్లేటపుడు సమంత తన ఉంగరాన్ని కార్ లోనే పెట్టేసి వెళుతుందట. షూట్ పూర్తి చేసుకుని మళ్లీ కార్ దగ్గరకు వచ్చేసరికి ఆ రింగ్ కనిపించకపోవడంతో సమంత ఫైర్ అయిపోయిందని తెలుస్తోంది.

తాను ఎంతో నమ్మినా.. ఎంత బాగా చూసుకున్నా.. తనకు బాగా సెంటిమెంట్ అయిన రింగ్ ను వారు తస్కరించారనే ఉద్దేశ్యంతో.. మొత్తం అందరినీ ఒకేసారి పనుల నుంచి తొలగించిందట సమంత. ఇంతకీ సమంతకు అంత సెంటిమెంట్ అయిన రింగ్ ఏంటబ్బా..! అనే డౌట్ చాలామందికి వచ్చింది కానీ.. శామ్స్ ఆన్సర్ ఇవ్వలేదు.

Like Us on Facebook : https://www.facebook.com/Tupakidotcom/