సామ్ 30 రోజులు కనిపించదట

అంతకుముందు ఎలా ఉందో అక్కినేని కోడలయ్యాక రెట్టింపు బిజీలో ఉన్న సమంతా మజిలీ విడుదల కోసం చాలా ఆసక్తిగా ఎదురు చూస్తోంది. నాగచైతన్యతో ఇంతకు ముందే సినిమాలు చేసినప్పటికీ ఇది పెళ్లయ్యాక చేసిన మూవీ కావడంతో చాలా స్పెషల్ గా ఫీలవుతోంది. పైగా నిజ జీవితానికి భిన్నంగా ఇందులో విభిన్నమైన భార్యాభర్తలుగా కనిపించనుండటంతో ప్రేక్షకులు ఎలా రిసీవ్ చేసుకుంటారా అనే ఉత్సుకత కూడా తనలో చాలా ఉంది.

మొన్నే తిరుమల శ్రీవారిని కాలినడక మార్గం ద్వారా పతీ సమేతంగా దర్శించుకున్న సమంతా ఈ మొక్కుతో పాటు మజిలీ సూపర్ హిట్ కావాలనే కోరికను కూడా అడిగేసి ఉంటుంది. దానికి తోడు తమిళ్ లో గత శుకవారం విడుదలైన సూపర్ డీలక్స్ కి బ్లాక్ బస్టర్ టాక్ రావడం సామ్ ఆనందాన్ని రెట్టింపు చేస్తోంది. రిస్క్ చేసి నెగటివ్ షేడ్స్ ఉన్న రోల్ చేసినా బ్రహ్మాండమైన రెస్పాన్స్ వస్తే అంతేగా మరి

ఇప్పుడు ఓ బేబీ బాలన్స్ పార్ట్ తో పాటు 96 రీమేక్ కు సమంతా సిద్ధం కావాల్సి ఉంటుంది. అయితే ఈ నెల రోజులు సామ్ బ్రేక్ తీసుకుంటుందట. భర్తతో కలిసి ఎక్కడికైనా ట్రిప్ కు వెళ్తుందా లేక సోలోగా హాలిడేస్ ఎంజాయ్ చేస్తుందా వేచి చూడాలి. చైతు ఖాళీగా లేడు. వెంకీ కూతురి పెళ్లి కోసం బ్రేక్ ఇచ్చిన వెంకీ మామ షూటింగ్ లో జాయిన్ కావాల్సి ఉంటుంది. ఇంకో రెండు మూడు రోజులు మజిలీ ప్రమోషన్లు తర్వాత జరగాల్సిన పబ్లిసిటీ వల్ల మార్చ్ మొదటి వారం బ్లాక్ అయినట్టే. మరి సామ్ నెల రోజులు ఏం చేస్తుందంటే జవాబు ఆ ఇద్దరికే తెలుసు