యాక్ష‌న్ హీరో అంటూ సామ్ కాంప్లిమెంట్

యంగ్ హీరోలంతా యాక్ష‌న్ ఇమేజ్ కోసం పాకులాడుతున్న సంగ‌తి తెలిసిందే. ఇన్నాళ్లు ప్రేమ‌క‌థా చిత్రాల్లో న‌టించిన నాగ‌శౌర్య కూడా యాక్ష‌న్ ఇమేజ్ కోసం కొత్త లుక్ ని ట్రై చేశాడు. ఇందుకోసం జిమ్ముల్లో క‌స‌ర‌త్తులు చేసి ప‌ర్ఫెక్ట్ ఫిట్ బాడీని త‌యారు చేశాడు. అందుకేనేమో ఓబేబి స్టార్ అదిరిపోయే కాంప్లిమెంట్ ఇచ్చింది. నాగ‌శౌర్య గుడ్ హార్డ్ వ‌ర్కర్.. అశ్వ‌థ్థామ‌లో ప‌ర్ఫెక్ట్ యాక్ష‌న్ హీరోగా క‌నిపించాడు! అంటూ కితాబిచ్చేసింది సామ్.

హైదరాబాద్ ట్రాఫిక్ పోలీసులు `పాఠశాలల్లో రోడ్ సేఫ్టీ క్లబ్` ప్రారంభోత్స‌వంలో పాల్గొన్న శౌర్య‌ను మ‌రో అతిధి స‌మంత ఇలా పొగిడేయ‌డం ఆస‌క్తిని రేకెత్తించింది. ఓ బేబీ లో న‌టించిన‌ప్ప‌టి నుంచి ఆ ఇద్ద‌రి మ‌ధ్యా స్నేహం గురించి తెలిసిందే. ఇక‌పై స‌మంత త‌ర‌హాలోనే శౌర్య కూడా సామాజికాంశాల‌పై దృష్టి సారిస్తూ అభిమానుల్ని పెంచుకునే ప‌నిలో ఉన్నాడు. ఈ త‌ర‌హా సామాజిక అవగాహన కార్యక్రమాలను ప్రోత్సహించాలని శౌర్య నిర్ణయించుకున్నాడట‌.

శౌర్య న‌టించిన అశ్వ‌థ్థామ‌ మొదటి రోజు ప్రపంచవ్యాప్తంగా 3.6 కోట్లు వసూలు చేసిందంటూ ప్ర‌చారం సాగుతోంది. ఈ సంద‌ర్భంగా స‌మంత ట్వీట్ చేసింది. # అశ్వథ్థామ సూపర్ సక్సెస్ కి ఆనందంగా ఉంది. ఎంతో కష్టపడి పనిచేసే మ‌న‌ హీరో నాగశౌర్యకు శుభాకాంక్ష‌లు.. న‌గ‌రంలో ఒక కొత్త యాక్షన్ హీరో రెడీ అయ్యాడు! అంటూ కితాబిచ్చేసింది.