సమంతా హ్యాండ్ లో 'హార్డ్ వర్క్'

సుకుమారమైన అందంతో మెరిసిపోతూ ఉండే సమంతాను దర్శకుడు సుకుమార్ తన రంగస్థలం సినిమా కోసం బాగా కష్టపెడుతున్నట్టు ఉన్నాడు. అలా అని సాం స్వయంగా చెప్పడంతో ఈ విషయం వెలుగులోకి వచ్చింది. విడుదలకు రెండు నెలల కంటే టైం తక్కువగా ఉన్న నేపధ్యంలో సుక్కు టీం మొత్తాన్ని నిద్ర పోనివ్వకుండా ఉరుకులు పరుగులు పెట్టిస్తున్నాడు. ఇప్పటికే పలుమార్లు తీవ్ర వాయిదాల మధ్య లేట్ అవుతూ వచ్చిన రంగస్థలం మార్చ్ 30న విడుదల చేయడానికి అన్ని ఏర్పాట్లు జరుగుతున్నాయి. హైదరాబాద్ లో షూట్ చేయబోయే ఐటెం సాంగ్ కంటే ముందు రాజమండ్రి పరిసరాల్లో ఇటీవలే ఒక పెద్ద షెడ్యూల్ జరిపిన సంగతి తెలిసిందే. అందులో పాల్గొన్న సమంతా ఒక పిక్ తన ఫాన్స్ తో షేర్ చేసుకుంది. అందులో తన చేతి మణికట్టుకు గాయం ఉంది. మొత్తం బ్యాండ్ ఎయిడ్ తో చుట్టేసారు.

దీనికి కారణం చెబుతూ ఈ సినిమా కోసం చాలా హార్డ్ వర్క్ చేయాల్సి వస్తోందని అందుకే చేతికి నొప్పి కలగడంతో ఇలా కట్టు కట్టించుకునే షూటింగ్ లో పాల్గొనాల్సి వచ్చిందని చెప్పింది. రెస్ట్ తీసుకోవాలన్నా డెడ్ లైన్ ఉన్న నేపధ్యంలో ఆ అవకాశం కూడా లేదు కాబట్టి నొప్పిని పంటి బిగువున భరిస్తూ సాం బాగానే కష్టపడుతోంది. సమంతా పార్ట్ వరకు సుక్కు షూటింగ్ పూర్తి చేసేసినట్టే. మిగిలిన ఒక్క ఐటెం సాంగ్ మాత్రం పూజా హెగ్డేతో తీయబోతున్నారు. అది హైదరాబాద్ లో జరుగుతుంది. సమంతా ఫాన్స్ - అక్కినేని అభిమానులు సమంతా మెసేజ్ చూసి అయ్యో పాపం అంటున్నారు. ఒకపక్క రంగస్థలం - మరోపక్క మహానటి, త్వరలో స్టార్ట్ కానున్న యు టర్న్, ప్రమోషన్ కోసం తిరగాల్సిన విశాల్ అభిమాన్యుడు ఒకటా రెండా ఇలా అన్ని సినిమాల బాధ్యతలు నెత్తి మీద వేసుకొని చేయటం అంటే మాటలా. సమంతా చెప్పిన హార్డ్ వర్క్ పదం నిజమే అయితే.