వ్వావ్ ఫ్రెండుతో క‌లిసి ప‌డ‌వ ప్ర‌యాణం.. చై మిస్సయ్యాడేమిటో!!

సమంత అక్కినేని తన బెస్ట్ ఫ్రెండ్ శిల్పా రెడ్డి కుటుంబంతో గోవాకు బయలుదేరిన సంగ‌తి తెలిసిందే. `ది ఫ్యామిలీ మ్యాన్ 2` ఘ‌న‌విజ‌యం అనంత‌రం శాకుంత‌లం చిత్రీక‌ర‌ణ ముగించి సామ్ కొంత విరామం తీసుకుంది. గ‌త కొద్దిరోజులుగా ఫ్రెండ్స్ తో గోవా వెకేష‌న్ కి సంబంధించిన ఫోటోల‌ను వ‌రుస‌గా షేర్ చేస్తోంది సమంత‌.

త‌న‌ ఇన్ స్టాగ్రామ్ లో శిల్పతో కలిసి ఆమె కయాకింగ్ చేస్తున్న ఫోటో ను వీడియోను పోస్ట్ చేసింది. ప్రకృతిలో ఈ విరామ స‌మ‌యాన్ని ఆస్వాధిస్తున్న సామ్ నవ్వకుండా ఆగ‌లేక‌పోతోంది. శిల్పాతో క‌లిసి క‌యాకింగ్ చేస్తూ అలా చిరున‌వ్వులు చిందిస్తూ ఫోజిచ్చిది. ప్ర‌స్తుతం ఈ ఫోటోగ్రాఫ్ అంత‌ర్జాలంలో వైర‌ల్ గా మారింది.

``ఇది ఎంత బాగుంది`` అంటూ రానా దగ్గుబాటి భార్య మిహీకా బజాజ్ వ్యాఖ్యానించారు. ఆశ్రిత దగ్గుబాటి పోస్ట్ లో ``సరదాగా`` అంటూ వ్యాఖ్య‌ను జోడించారు. అంతకుముందు సామ్ - శిల్పా కలిసి సైక్లింగ్ ని ఆస్వాదించారు. ఆమె ఇన్ స్టాలో కొన్ని స్నాప్ లను షేర్ చేయ‌గా వైర‌ల్ అయ్యాయి. వాటికి వైట్ హార్ట్ ఎమోజీతో క్యాప్షన్ ఇచ్చింది సామ్. అన్న‌ట్టు సామ్ క‌యాకింగ్ చూసి మురిసిపోతున్న అభిమానుల‌కు ఒక సందేహం అలానే వెంటాడుతోంది. ఇంత‌కీ చైత‌న్య ఎక్క‌డ‌? అస‌లు ఈ ఎడ‌బాటు దేనికి? అన్న‌దే ఆ సందేహం. వ్వావ్ ఫ్రెండుతో క‌లిసి ప‌డ‌వ ప్ర‌యాణం.. చై మిస్సయ్యాడేమిటో!! అంటూ క‌ల‌త‌కు గుర‌వుతున్నారు. అయితే ఇలాంటి సందేహాల‌పై సామ్ సింపుల్ గా సెటైర్లు పంచ్ లు వేస్తున్న సంగ‌తి తెలిసిందే.

సమంత ఇటీవల గుణ‌శేఖ‌ర్ ద‌ర్శ‌క‌త్వంలోని పౌరాణిక చిత్రం `శకుంతలం` షూటింగ్ పూర్తి చేసుకుంది. తమిళ చిత్రం `కాతువాకుల రెండు కాదల్` చిత్రీక‌ర‌ణ‌ను పూర్తి చేయాల్సి ఉంటుంది. త‌దుప‌రి నెట్ ఫ్లిక్స్ తో భారీ వెబ్ సిరీస్ లో న‌టించ‌నుంద‌ని క‌థ‌నాలొస్తున్నాయి.