శాకుంతలం కోసం సమంత.. కాస్త ఎక్కువగానే!

సమంత ప్రధాన పాత్రలో నటించిన శాకుంతలం సినిమా విడుదలకు సిద్ధం అయ్యింది. ఫిబ్రవరి 17న విడుదల కాబోతున్న ఈ సినిమా యొక్క ట్రైలర్ ఇప్పటికే ప్రేక్షకుల ముందుకు వచ్చి సినిమా పై అంచనాలు పెంచేసింది. తెలుగు తో పాటు సౌత్‌ లో అన్ని భాషల్లో మరియు హిందీలో కూడా శాకుంతలం సినిమాను విడుదల చేయాలని ప్రయత్నాలు చేస్తున్నారు.

సౌత్‌ సినిమాలకు ముఖ్యంగా సౌత్‌ ఇండియన్‌ పౌరాణిక సినిమాలకు నార్త్‌ లో మంచి డిమాండ్ ఉంది. అందుకే సమంత శాకుంతలం సినిమా ను అక్కడ భారీ ఎత్తున విడుదల చేసేందుకు గాను ఏర్పాట్లు జరుగుతున్నాయి అంటూ వార్తలు వస్తున్నాయి.

విశ్వసనీయంగా అందుతున్న సమాచారం ప్రకారం నార్త్‌ ఇండియాలో శాకుంతలం సినిమా ను కాస్త ఎక్కువగానే ప్రమోట్‌ చేసేందుకు ప్రయత్నాలు జరుగుతున్నాయి. సమంత యాక్టివ్ గా సౌత్‌ ఇండియాతో పాటు నార్త్‌ ఇండియాలో కూడా ప్రమోషన్ కార్యక్రమాల్లో పాల్గొనబోతున్నట్లుగా చిత్ర యూనిట్‌ సభ్యుల నుండి సమాచారం అందుతోంది.

ముంబయిలో శాకుంతలం హిందీ వర్షన్ కోసం ప్రెస్ మీట్‌ ఏర్పాటు చేయడంతో పాటు పలు విధాలుగా ప్రమోషన్ చేయాలని భావిస్తున్నారు. మరో వైపు తెలుగు.. తమిళం మరియు ఇతర భాషల్లో కూడా ప్రమోషన్స్ కోసం స్వయంగా సమంత సమయం కేటాయించింది అంటూ సమాచారం అందుతోంది.

యశోద సినిమా కోసం ఒకటి రెండు రోజుల సమయం మాత్రమే సమంత కేటాయించిన విషయం తెల్సిందే. ఆ సమయంలో సమంత మయో సైటిస్ సమస్యతో బాధ పడుతుంది. కానీ ఇప్పుడు కాస్త ఉపశమనం పొందినట్లుగా అనిపిస్తుంది.

పూర్తిగా ఆ అనారోగ్య సమస్యల నుండి తేరుకోకున్నా కూడా సమంత ఓపిక తెచ్చుకుని మరీ ఇటీవల శాకుంతలం సినిమా యొక్క ట్రైలర్ లాంచ్ లో పాల్గొన్నది. త్వరలో సినిమా యొక్క ప్రమోషన్‌ కార్యక్రమాల్లో కూడా సమంత పాల్గొనే అవకాశాలు ఉన్నాయి అంటూ ఇండస్ట్రీ వర్గాల ద్వారా సమాచారం అందుతోంది. సమంత ప్రమోషన్స్ లో పాల్గొంటే శాకుంతలం యొక్క స్థాయి అమాంతం పెరిగే అవకాశాలు పుష్కలంగా ఉన్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.