గుణ `శకుంతలం`లో అక్కినేని కోడ‌లు?

చాలా గ్యాప్ త‌ర్వాత దర్శకనిర్మాత గుణశేఖర్ తన తదుపరి చిత్రం శకుంతలం ని ప్రకటించారు. ఇటీవల స్క్రిప్ట్ పనిని పూర్తి చేసి సెట్స్ కెళ్లేందుకు సిద్ధ‌మ‌వుతున్నార‌ని తెలిసింది.

తాజా స‌మాచారం ప్ర‌కారం.. గుణశేఖర్ అక్కినేని కోడ‌లు సమంత అక్కినేనిని ఎంపిక చేయాల‌ని అనుకుంటున్నార‌ట‌. ఆయ‌న ఇప్ప‌టికే సామ్ ని క‌లిసి శకుంతలం స్క్రిప్ట్ వివరించారు. ఈ చిత్రానికి సామ్ ఇనిషియ‌ల్ గా ఓకే చెప్పార‌ట‌.

జనవరి మొదటి వారంలో ఈ మూవీని లాంచ్ చేయ‌నున్నార‌న్న స‌మాచారం అందింది. గుణశేఖర్ హోమ్ బ్యానర్ గుణ‌ టీం వర్క్స్ ఈ ఆసక్తికరమైన చిత్రాన్ని నిర్మిస్తుంది. ఈ ప్రాజెక్ట్ వచ్చే ఏడాది ఆరంభ‌మే రెగ్యుల‌ర్ చిత్రీక‌ర‌ణ‌కు వెళుతుంది. 2021 చివరిలో విడుదలయ్యే వీలుంది.

సమంత ప్రస్తుతం వెబ్ సిరీస్ ల‌తో షోల‌తో బిజీ బిజీ. సామ్ న‌టించిన‌ ఫ్యామిలీ మ్యాన్ 2 సీజ‌న్ కోసం అభిమానులు ఇప్ప‌టికే ఆస‌క్తిగా వేచి చూస్తున్నారు. ఆహాలో `సామ్ జామ్` షో‌కు సామ్ హోస్ట్. ఓబేబి త‌ర్వాత మ‌ళ్లీ నందిని రెడ్డితో మళ్లీ టీమ‌ప్ అవ్వ‌డానికి స‌మంత‌ సిద్ధంగా ఉన్నార‌ని తెలుస్తోంది.