మెర్సల్ జంట స్మైల్స్ మెరిసే

కోలీవుడ్ లో రజినీకాంత్ తర్వాత కొంత మంది హీరోల సినిమాలు బాక్స్ ఆఫీస్ వద్ద పోటీని బాగానే ఇస్తాయి. ఎవరి స్థాయిలో వారికి ఒక మార్కెట్ రేంజ్ ఉన్నా ఒక్కోసారి ఊహించని స్థాయిలో బాక్స్ ఆఫీస్ కలెక్షన్స్ నమోదవుతాయి. తమిళనాడులో అజిత్ - విజయ్ సినిమాలు విడుదలవుతున్నాయంటే హవా మాములుగా ఉండదు. ఇద్దరు హీరోల అభిమానులు పోటీ పడి మరి సెలబ్రేట్ చేసుకుంటారు. టీజర్ - ఫస్ట్ లుక్ విషయంలో కూడా తమ హీరోనే నెగ్గాలని ఇరువురి అనుకుంటారు.

అయితే ఈ సారి అజిత్ - వివేగం టీజర్ తో మరియు సినిమాతో సరికొత్త రికార్డును సృష్టించింది. అయితే విజయ్ తన సరికొత్త చిత్రం మెర్సల్ తో వివేగం టీజర్ రికార్డ్ ను తక్కువ సమయంలోనే బ్రేక్ చేశాడు. టీజర్ ఆకట్టుకోవడంతో సినిమా కూడా భారీ స్థాయిలో హిట్ అవ్వడం ఖాయంగా కనిపిస్తోందని అభిమానులు సంబరపడిపోతాహున్నారు. అయితే రీసెంట్ గా చిత్ర యూనిట్ మెర్సల్ చిత్రంలోని ఒక స్టిల్ ని రిలీజ్ చేసింది. ఆ స్టీల్ లో సమంత - విజయ్ సరికొత్తగా కనిపిస్తున్నారు. చూస్తుంటే సినిమాలో ఇద్దరి మధ్య కెమిస్ట్రీ బాగానే వర్కౌట్ అయినట్లు తెలుస్తోంది. విజయ్ వెరైటీ గా చెయ్యెత్తి స్మైల్ ఇస్తుంటే.. సమంత క్యూట్ గా నవ్వుతోంది. అంతే కాకుండా సమంత సినిమాలో కాస్త గ్లామర్ షోను కూడా గట్టిగానే చూపిస్తున్నట్లు తెలుస్తోంది.

ఇక ఈ సినిమా ఇప్పటికే పూర్తయ్యింది. అక్టోబర్ 18న ప్రపంచ వ్యాప్తంగా రిలీజ్ కాబోతోంది. అట్లీ దర్శకత్వం వహించిన ఈ సినిమాకు ఏ.ఆర్.రెహ్మాన్ మ్యూజిక్ అందించాడు. ఈ సినిమాలో సమంతతో పాటు కాజల్ అగర్వాల్ మరియు నిత్యా మీనన్ కూడా నటించారు.