ఓవైపు చైతూ ని గుర్తు చేస్తూ.. మరోవైపు లింకులన్నీ కట్ చేస్తున్న సామ్..!

టాలీవుడ్ క్యూట్ కపుల్ గా పిలవబడిన అక్కినేని నాగచైతన్య - సమంత.. గత ఏడాది అక్టోబర్ లో విడిపోయిన సంగతి తెలిసిందే. ఏడేళ్లు ప్రేమించుకొని పెళ్లి చేసుకొని.. నాలుగేళ్లకే తమ వైవాహిక జీవితానికి ఫుల్ స్టాప్ పెట్టడంతో అందరూ షాక్ అయ్యారు. ఇద్దరూ ఇష్టపూర్వకంగానే విడిపోతున్నట్లుగా ప్రకటించి.. వేర్వేరు మార్గాల్లో కొత్త జీవితాన్ని ప్రారంభించబోతున్నట్లుగా తెలిపారు.

ఇలాంటి కఠిన నిర్ణయం తీసుకోడానికి చై-సామ్ మధ్య ఏం జరిగిందనేది తెలియదు కానీ.. ఇప్పటికీ ఈ జంట గురించి వార్తలు వస్తూనే ఉన్నాయి. ప్రస్తుతం ఇద్దరూ కెరీర్ మీద ఫోకస్ పెట్టి ఎవరి పనులు వారు చేసుకుంటూ ముందుకు వెళ్తున్నారు. ఈ నేపథ్యంలో నందినీ రెడ్డి దర్శకత్వంలో చైతూ - సమంత కలిసి నటించనున్నారంటూ రూమర్స్ వస్తున్నాయి.

మళ్లీ వీరిద్దరూ కలిసి నటిస్తారో లేదో తెలియదు కానీ.. ఇప్పుడు సామ్ ఇన్స్టాగ్రామ్ వేదికగా 'మజిలీ' సినిమాలోని చైతూ ప్రధానంగా ఉన్న పోస్టర్ షేర్ చేయడం అందరి దృష్టిని ఆకర్షించింది. శివ నిర్వాణ దర్శకత్వంలో నాగచైతన్య - సమంత జంటగా నటించిన 'మజిలీ' సినిమా బాక్సాఫీస్ వద్ద బ్లాక్ బస్టర్ విజయాన్ని అందుకుంది.

నేటితో 'మజిలీ' సినిమా మూడేళ్లు పూర్తి చేసుకుంది. ఈ నేపథ్యంలో దర్శక నిర్మాతలు దీని గురించి సోషల్ మీడియాలో పోస్టులు పెట్టారు. అయితే వీటికి స్పందించని సమంత.. నాగచైతన్య ఫ్యాన్ పేజీలోని ఓ ఫోటోని ఇన్స్టాగ్రామ్ లో పంచుకోవడం గమనార్హం.

నిజానికి విడాకుల ప్రకటన తర్వాత సమంత సినిమా కెరీర్ పైనే ఫుల్ ఫోకస్ పెట్టింది. గతంలో ఎప్పుడూ లేని విధంగా వరుస ప్రాజెక్టులను సైన్ చేస్తూ బిజీగా మారిపోయింది. అదే సమయంలో నాగచైతన్యతో కనెక్షన్ ఉన్న ప్రతీ విషయాన్ని కట్ చేయాలని బలమైన నిర్ణయం తీసుకున్నట్లు తెలుస్తోంది.

ఇప్పటికే సమంత సోషల్ మీడియాలో చైతన్యను అన్ ఫాలో చేయడమే కాదు.. అతనితో కలిసి ఉన్న ఫోటోలను పూర్తిగా తొలిగించింది. అయితే చైతూ మాత్రం సామ్ తో ఉన్న పిక్స్ డిలీట్ చేయకుండా అలానే ఉంచాడు. అంతేకాదు సోషల్ మీడియాలో ఆమెను ఫాలో అవుతూనే ఉన్నాడు.

కానీ సమంత మాత్రం అక్కినేని కుటుంబానికి పూర్తిగా దూరంగా ఉండాలనే నిర్ణయానికి వచ్చినట్లు సంకేతాలు ఇచ్చింది. ఇప్పుడు లేటెస్టుగా చై-సామ్ వ్యవహారాలు చూసుకుంటూ.. ఇద్దరికీ కామన్ గా కొనసాగుతున్న మేనేజర్ ని కూడా దూరం పెట్టినట్లు టాక్ వినిపిస్తోంది.

నాగచైతన్య - సమంత విడిపోయిన తరువాత కూడా కొన్ని నెలల పాటు అతనే ఇద్దరికీ మేనేజర్ గా వ్యవహరిస్తూ వచ్చారట. అయితే ఈ మధ్య సామ్ ఆ మేనేజర్ ను పూర్తిగా దూరం పెట్టిందట. అతనితో చేసుకున్న అగ్రిమెంట్ ను కూడా క్యాన్సిల్ చేసుకుందట. ప్రస్తుతం బాలీవుడ్ మీద ఫోకస్ పట్టిన సమంత.. ముంబైలోనే మరొక మేనేజర్ ను నియమించుకున్నట్లు వార్తలు వస్తున్నాయి.

ఈ క్రమంలో ఇప్పుడు తను నటించిన 'యశోద' చిత్రాన్ని నాగచైతన్య హిందీ డెబ్యూ 'లాల్ సింగ్ చద్దా' మరియు అఖిల్ అక్కినేని 'ఏజెంట్' సినిమాలకు పోటీగా రిలీజ్ చేయడానికి ప్లాన్ చేస్తోంది. ఇలా ఒకే రోజు 'మజిలీ' పోస్ట్ పెట్టి చైతూ ని గుర్తు చేసిన సమంత.. అక్కినేని హీరోతో పోటీగా సినిమా విడుదల చేస్తున్నట్లు ప్రకటించిన అందరినీ ఆశ్చర్యపరిచింది.