ఇండియాలోనే మోస్ట్ పాపులర్ ఫీమేల్ స్టార్ గా సామ్..!

బాలీవుడ్‌ విశ్వసనీయ మీడియా సంస్థల్లో ఒకటిగా గుర్తింపు పొందిన ఓర్మాక్స్ మీడియా.. ప్రతీ నెల మోస్ట్ పాపులర్ స్టార్స్ లిస్టును విడుదల చేస్తుందనే సంగతి తెలిసిందే. 2010 నుండి ప్రతీ నెల సోషల్ మీడియాలో ప్రజాదరణ పొందిన వివిధ భాషల నటీనటుల జాబితాను ప్రకటిస్తూ వస్తోంది ఓర్మాక్స్.

లేటెస్టుగా 2022 - మే నెలకు సంబంధించి ఆల్ ఇవర్ ఇండియాలో అత్యంత పాపులారిటీ సంపాదించిన ఫీమేల్ స్టార్స్ జాబితాను రిలీజ్ చేసింది. ఇందులో దక్షిణాది అగ్ర కథనాయికల్లో ఒకరైన సమంతా రూత్ ప్రభు భారతదేశంలోనే అత్యంత ప్రజాదరణ పొందిన మహిళా స్టార్ గా అగ్రస్థానంలో నిలిచింది.

విడాకుల ప్రకటన తర్వాత సమంత కెరీర్ మీదనే ఫుల్ ఫోకస్ పెట్టింది. వరుస ప్రాజెక్ట్స్ కు సైన్ చేస్తూ దూసుకుపోతోంది. ఈ క్రమంలో 'శాకుంతలం' 'యశోద' వంటి రెండు పాన్ ఇండియా సినిమాలలో నటించింది. ఇటీవల 'కణ్మణి రాంబో ఖతీజా' చిత్రంతో పలరించిన సామ్.. ప్రస్తుతం 'ఖుషీ' అనే పాన్ సౌత్ ఇండియా మూవీ షూటింగ్ లో పాల్గొంటోంది.

అంతేకాదు అమెజాన్ ప్రైమ్ వీడియో ఓటీటీ కోసం ఓ ఒరిజినల్ సిరీస్ లో బాలీవుడ్ స్టార్ వరుణ్ ధావన్ తో కలిసి నటించనుంది సమంత. ఇది 'సిటాడెల్' అనే హాలీవుడ్ వెబ్ సిరీస్ కు భారతీయ వెర్షన్. దీంతో పాటుగా మరికొన్ని క్రేజీ ప్రాజెక్ట్స్ ఆమె చేతిలో ఉన్నాయి.

ఈ నేపథ్యంలో సోషల్ మీడియాలో సామ్ చుట్టూ ఏర్పడిన బజ్ కారణంగా పాన్ ఇండియా వైడ్ మోస్ట్ పాపులర్ ఫీమేల్ స్టార్ గా అవతరించారని అనుకోవచ్చు. ఏప్రిల్ నెలలోనూ సమంత ఆల్ ఇండియా వైడ్ టాప్ లో నిలిచిన సంగతి తెలిసిందే.

ఓర్మాక్స్ మోస్ట్ పాపులర్ నటీమణుల జాబితాలో బాలీవుడ్ హీరోయిన్ అలియా భట్ రెండో స్థానంలో నిలిచింది. లేడీ సూపర్ స్టార్ నయనతార థర్డ్ ప్లేస్ లో ఉంది. ఈ ఇద్దరూ పోయిన నెలలోనూ ఇవే స్థానాల్లో ఉన్నారు.

ఇక ఏప్రిల్ లో 4వ ప్లేస్ లో ఉన్న కాజల్ అగర్వాల్ ఈసారి ఐదో స్థానానికి పడిపోయింది. 5వ ప్లేస్ లో ఉన్న దీపికా పదుకొనె నాలుగో స్థానానికి ఎగబాకింది. తొమ్మిదో స్థానంలో ఉన్న కీర్తి సురేష్ ఇప్పుడు 6వ ప్లేస్ కి వచ్చింది. కత్రినా కైఫ్ (7) - రష్మిక మందన్నా (8) - పూజా హెగ్డే (9) - అనుష్క శెట్టి (10) ఈ జాబితాలో తర్వాతి స్థానాల్లో ఉన్నారు.