స‌మంత హ్యాపీ హ్యాపీ

క‌థ‌ల విష‌యంలో స‌మంత టేస్టేంటో అంద‌రికీ తెలిసిందే. హీరోయిన్‌ గా ఆమెకి మ‌హ‌రాణి ప‌ట్టం క‌ట్టిన తెలుగు ఇండ‌స్ట్రీని కాద‌ని మ‌రీ ఆమె అప్పుడ‌ప్పుడు త‌మిళంలో సినిమాలు చేస్తుంటుంది. కోట్ల రూపాయ‌ల రెమ్యున‌రేష‌న్ కంటే త‌న‌కి క‌థ‌లే ముఖ్య‌మ‌ని చెబుతుంటుంది. అలాంటి స‌మంత ఒక క‌థ గురించి, సినిమా గురించి ప‌దే ప‌దే చెబుతోందంటే చాలా అంచ‌నాలు పెంచుకోవ‌ల్సిందే. ఇంత‌కీ ఆమె చెబుతున్న‌ది ఏ సినిమా గురించి అనేగా మీ సందేహం. `జన‌తా గ్యారేజ్` గురించేనండీ.

ఎన్టీఆర్ హీరోగా కొర‌టాల శివ డైరెక్ష‌న్‌ లో తెర‌కెక్కుతున్న చిత్ర‌మ‌ది. స‌మంత‌ - నిత్య‌మేన‌న్ హీరోయిన్లుగా న‌టిస్తున్నారు. మోహ‌న్‌ లాల్ ముఖ్య‌పాత్ర‌ధారి. ఈ సినిమా క‌థ నాకు బాగా ద‌గ్గ‌రైంద‌ని చెబుతోంది స‌మంత‌. సెట్లో చాలా పాజిటివిటీని చూస్తున్నాన‌ని ట్వీట్ చేసింది. స‌మంత ఎప్పుడో కానీ త‌న సినిమాల గురించి ఇలా ట్వీట్ చేయ‌దు. ఇప్పుడు జ‌న‌తా గ్యారేజ్ గురించి ప్ర‌త్యేకంగా ట్వీట్లు చేసిందంటే ఆమెకి క‌థ ఎంత‌గా న‌చ్చుంటుందో అర్థం చేసుకోవ‌చ్చు. మోహ‌న్‌ లాల్ కూడా ఇదే ర‌క‌మైన అభిప్రాయాన్నే వ్య‌క్తం చేశాడు. ఆయ‌న కూడా ట్విట్ట‌ర్‌ లో జ‌న‌తా గ్యారేజ్ గురించి పెద్ద‌యెత్తున పోస్టులు చేస్తున్నాడు. ఈ లెక్క‌న తెలుగు ఇండ‌స్ట్రీకి జ‌న‌తా గ్యారేజ్ రూపంలో మ‌రో మంచి హిట్టు రాబోతోంద‌ని టాలీవుడ్ వ‌ర్గాలు మాట్లాడుకుంటున్నాయి.