మెగాహీరోకి అక్కినేని కోడలి గిఫ్ట్

మెగా ఫ్యామిలీ హీరో సాయిధరం తేజ్ ఇప్పుడు విన్నర్ మూవీని రిలీజ్ చేసేందుకు రెడీ అయిపోతున్నాడు. ఆడియో ఫంక్షన్ కాకుండా.. అల్లు అర్జున్-రామ్ చరణ్-చిరంజీవిలను ఫాలో అయిపోతూ.. ప్రీ రిలీజ్ ఫంక్షన్ ను నిర్వహించబోతున్నాడు. థియేట్రికల్ ట్రైలర్ ను ఈ నెల 9న విడుదల చేస్తామని చెప్పిన యూనిట్.. వరుసగా లిరికల్ సాంగ్స్ ను యూట్యూబ్ లో రిలీజ్ చేస్తున్నారు.

విన్నర్ లో సితార సితార అంటూ సాగే పాటను సూపర్ స్టార్ మహేష్ బాబు చేతుల మీదుగా లాంఛ్ చేయగా.. ఇప్పుడు 'పిచ్చోణ్నే అయిపోయా.. నచ్చిందే ఈ మాయ' అంటూ సాగే పాట కూడా వచ్చేసింది. దీన్ని లాంఛ్ చేసింది ఎవరో కాదు.. సౌత్ హీరోయిన్ సమంత. అక్కినేని కోడలు కాబోతోన్న సమంత.. ఇప్పుడు మెగా హీరో పాటను లాంఛ్ చేయడమే కాదు.. 'నాకు తెగ నచ్చేసింది.. మీక్కూడా తప్పకుండా నచ్చుతుంది' అంటూ ట్వీట్ చేసింది సమంత.

తన ఫేవరేట్ హీరోయిన్ చేతుల మీదుగా సాంగ్ లాంఛ్ చేయించడం తేజు కూడా ఫుల్లు హ్యాపీగా ఉన్నాడు. సమంతతో నటించేందుకు ఆసక్తిగా ఉన్నట్లు రీసెంట్ గా ఇంటర్వ్యూలలో చెప్పాడు. మరోవైపు.. 'నా ఫేవరేట్ యాక్ట్రెస్.. నా ఫేవరేట్ సాంగ్ ని లాంఛ్ చేయడం చాలా సంతోషంగా' ఉందని చెబుతోంది హీరోయిన్ రకుల్ ప్రీత్ సింగ్. విన్నర్ లో ఇప్పటివరకూ వచ్చిన రెండు పాటల్లోనూ ఎస్ ఎస్ థమన్ అందించిన మ్యూజిక్ సూపర్బ్ గా ఉండడం విశేషం.



Like Us on Facebook : https://www.facebook.com/Tupakidotcom/