చియాన్‌ పోస్టర్‌.. అదీ లెక్క

రజనీకాంత్‌, కమల్‌ హాసన్‌ తర్వాత తెలుగులో అంతటి క్రేజు ఉన్న హీరో చియాన్‌ విక్రమ్‌. అతడి సినిమా వస్తోంది అంటే తెలుగు ప్రేక్షకులు అటెన్షన్‌ లోకి వచ్చేస్తారు. పోస్టర్‌ ఎలా ఉంది? పాటలు ఎలా ఉన్నాయ్‌? రిలీజ్‌ ఎప్పుడు? అన్న ఎంక్వయిరీలు ఉంటాయి. శివపుత్రుడు, అపరిచితుడు, ఐ సినిమాలతో చియాన్‌ కి పెరిగిన క్రేజు అలాంటిది.

ఇప్పుడు అతడు '10 ఎన్రాదు కుల' అనే చిత్రంలో నటిస్తున్నాడు. ఈ సినిమా ఫస్ట్‌ లుక్‌ పోస్టర్‌ రిలీజైంది. ఈ పోస్టర్‌ సూపర్భ్‌. చూడగానే విక్రమ్‌ మరోసారి అదిరిపోయే ఫీట్‌ వేస్తున్నాడని అర్థమవుతోంది. అదో భారీ యాక్షన్‌ ఎపిసోడ్‌. అక్కడ హీరోయిన్‌ సమంత టాప్‌ లెస్‌ జీప్‌ నడిపేస్తోంది. అందులో సమంతకు ఎడమ వైపుగా కూచున్న విక్రమ్‌ యాక్షన్‌ కి రెడీ అయిపోతున్నాడు. చుట్టూ దహించుకుపోయిన శత్రువుల వాహన శకలాలు ముక్కలు ముక్కలై మంటల్లో తగలబడిపోతున్నాయి.

పోస్టర్‌ చూస్తుంటే డెత్‌ రేస్‌, ఫాస్ట్‌ అండ్‌ ఫ్యూరియస్‌ రేంజు లో కనబడుతోంది. ఎదురే లేనివాడు, ఎవరినీ లెక్క చేయనివాడు వస్తున్నాడు, ఎదురెళ్లొద్దు అన్నట్టే ఉందీ పోస్టర్‌. ఇదో భారీ యాక్షన్‌ సినిమా. ఫాక్స్‌ స్టార్‌ స్టూడియోస్‌ సమర్పణలో తెరకెక్కుతోంది. సోని మ్యూజిక్‌ ద్వారా పాటలు రిలీజవుతున్నాయి. టీజర్‌ ఆన్‌ లైన్‌ లోకి రానుంది.