ఫోటో స్టోరి: రంగస్థలంలో పల్లెపడుచు

ఎప్పుడెప్పుడు 'రంగస్థలం 1985' సినిమా నుండి హీరోయిన్ సమంత లుక్స్ ఎప్పుడెప్పుడు చూస్తామా అంటూ అభిమానులు అందరూ ఆత్రంగా ఎదురుచూస్తున్నారు. అయితే మొన్నటివరకు కేవలం కొన్ని లొకేషన్ ఫోటోలు పెట్టిన సమంత.. ఆ తరువాత తన కాళ్ళ తాలూకు స్నాప్ షాట్ ఒకటి పెట్టేసి బాగా కిక్కిచ్చింది. ఇప్పుడు అదే తరహాలో మరో ఫోటో షేర్ చేసింది.

ఈసారి సమంతను మొత్తంగా వెనుకనుండి చూసే భాగ్యాన్ని కలిపించింది. రంగస్థలం షూటింగ్ ప్రస్తుతం రాజమండ్రి పరిసర ప్రాంతాల్లో జరపుతుండగా.. అక్కడ సన్ రైజ్ టైములో ఒక ఫోటో తీయించి షేర్ చేసింది శ్యామ్. ఈ ఫోటోలోని ఆమె లుక్ చూస్తే.. పల్లెపడుచులా చక్కగా వోణి వేసుకుని.. అలాగే జడకు రిబ్బన్ కట్టుకుని.. సమంత ఈసారి పక్కా తెలుగుమ్మాయ్ గెటప్ లో రచ్చ చేయనుందని అర్ధమవుతోంది. ఇప్పటికే ఈ సినిమాలో గెడ్డంతో ఉన్న రామ్ చరణ్‌ లుక్ వైరల్ అయిపోగా.. ఇప్పుడు సమంత కూడా సంచలనాలు సృష్టిస్తోంది.

మైత్రి మూవీస్ వారు ఎంతో ప్రతిష్టాత్మకంగా రూపొందిస్తున్న ఈ సినిమాను సుకుమార్ డైరక్టర్ చేస్తున్న సంగతి తెలిసిందే. 1985లో జరిగే ఒక కథతో.. రామ్ చరణ్‌ ను వినికిడి సమస్య ఉన్న ఒక యువకుడిగా చూపిస్తూ.. సమంతను ఒక పల్లెటూరి మాష్టారి కూతురిగా ఆవిష్కరిస్తూ.. ఈసారి సుక్కూ తన ఇంటెలిజెంట్ స్ర్కీన్ ప్లేతో మరోసారి ఇంప్రెస్ చేయడానికి రెడీ అవుతున్నాడు. సినిమాను 2018 సంక్రాంతిన విడుదల చేస్తున్నారు. అది సంగతి.

Like Us on Facebook : https://www.facebook.com/Tupakidotcom/