జనతా గ్యారేజ్ కి హ్యాండిచ్చిన సమంత

యంగ్ టైగర్ ఎన్టీఆర్ నటించిన జనతా గ్యారేజ్ ఆడియో రిలీజ్ ఫంక్షన్ ఇవాళ అంగరంగ వైభవంగా హైద్రాబాద్ లో జరగనుంది. మరికొన్ని గంటల్లో పండుగ ప్రారంభం కానుండడంతో.. నందమూరి అభిమానుల హంగామా పీక్ స్టేజ్ కి చేరిపోయింది. ఎన్టీఆర్ స్టామినాని ప్రూవ్ చేసే చిత్రం అవుతుందనే అంచనాలుండడంతో.. ఆడియోపై కూడా బోలెడన్ని హోప్స్ ఉన్నాయి.

జనతా గ్యారేజ్ లో లీడ్ హీరోయిన్ గా నటించింది సమంత. మరి కొన్ని గంటల్లో ఫంక్షన్ మొదలుకానండగా.. ఇప్పుడా ఈవెంట్ కు రావడంలేదంటూ ట్వీట్ వేసిందీ భామ. 'ఇవాళ నాకు బాగాలేదు. జనతా గ్యారేజ్ ఆడియో ఫంక్షన్ లో మిమ్మల్ని మిస్ అవుతున్నా' అని చెప్పింది సమంత. రీసెంట్ గా ఇద్దరు భామల మధ్య పరుగెడుతున్న ఎన్టీఆర్ ని పోస్టర్ లో చూసిన అభిమానులు.. అదే రేంజ్ లో సమంత-నిత్యామీనన్ ల మధ్య స్టేజ్ పై మెరిసిపోతుండగా చూద్దామని ఆశించారు.

పైగా సమంత ఆడియో ఫంక్షన్ లో ఉంటే ఆ కిక్కే వేరుగా ఉంటుంది. ఆడియో ఫంక్షన్లలో నడుం చూపించడం.. బొడ్డుకు పెట్టుకున్న డైమండ్ స్టడ్డు చూపించడం అంటూ కొత్త ట్రెండ్ తెచ్చింది సమంత. అలాంటివన్నీ మిస్ అయిపోతున్నాయని చాలామంది బెంగ పెట్టేసుకున్నారు. ఆఖరి నిమిషంలో అందాల భామ ఆడియో ఫంక్షన్ కు రావట్లేదంటే.. కాస్త షాకింగే కదా మరి.