ఆ కాలాన్ని చూపించిన సమంత

అలనాటి నటి అందాల జాబిలి సావిత్రి సినిమాకోసం తెలుగు ప్రేక్షకులు చాలానే ఎదురుచూస్తున్నారని చెప్పాలి. ఎందుకంటే చరిత్రను తెలుసుకోవడమంటే ఎవ్వరికైనా చాలా ఇంట్రెస్టింగ్ గా ఉంటుంది. ఇక సినిమాల్లో నటించిన అలనాటి తరాల గురించి తెలుసుకోవాలన్నా కూడా అందరు ఎంతో ఆతృతగా ఎదురుచూస్తారు. ఆ కాలంలో షూటింగ్ లు ఎలా జరిగేవి. అసలు వాతావరణం ఎలా ఉండేది అనే విషయం అప్పటి వారికీ తప్ప ఇప్పటివారికి తెలియదు.

ప్రస్తుత రోజుల్లో మేకింగ్ సీన్స్ మనం చాలానే చూస్తున్నాం. మొబైల్స్ లో షూటింగ్ లను చిత్రీకరించి సోషల్ మీడియా ద్వారా ప్రేక్షకులకు చూపిస్తున్నారు. కానీ అప్పట్లో ఒక సినిమా కెమెరా తప్ప మారేది ఉండేది కాదు. అంతే కాకుండా వారు సింగిల్ టెక్ ఆర్టిస్టులు అవ్వడంతో కట్ అనే మాట చాలా తక్కువగా ఉండేది. ఇకపోతే ఆ విషయాలను మహానటి సినిమాలో మనం చూడవచ్చు.. దర్శకుడు నాగ్ అశ్విన్ ప్రతి ఫ్రెమ్ లో బ్లాక్ అండ్ వైట్ రోజులను కళ్లముందు చూపించడానికి వర్క్ చేస్తున్నాడు.

అయితే సినిమాలో సావిత్రి పాత్రలో కీర్తి సురేష్ నటిస్తోన్న సంగతి తెలిసిందే. ఇక జామున గారి పాత్రలో సమంత కనిపించనుంది. రీసెంట్ గా సమంత సినిమాకు సంబందించిన ఒక ఫొటోను సోషల్ మీడియా ద్వారా అభిమానులతో పంచుకుంది. ఆ కాలం నాటి లూనా ని సినిమాలో వాడనున్నారు. దీంతో సమంత ఫొటోను షేర్ చేస్తూ..1980 కాలానికి వెళుతున్నాం. ముఖ్యమైన వారి జీవిత చరిత్రలను తెలుసుకోవడానికి అర్హమైనవి. అలాగే సావిత్రిగారి జీవిత కాలాన్ని మళ్లీ చూపిస్తుండడం అందులో నేను నటించడం చాలా హ్యాపీగా ఉంది. ఇక మీరు చూస్తున్న ఈ కొత్త బండి ఎలా ఉందొ చెప్పండి అని సమంత తన అనుభూతిని తెలియజేశారు.