ఐదురోజుల్లో భ‌యాన‌క‌భీభ‌త్సం!

సొంతంగా సినిమాలు నిర్మిస్తూ.. అందులో న‌టిస్తూ.. ప‌బ్లిసిటీని ప‌రుగులు పెట్టిస్తూ బాలీవుడ్‌ క‌థానాయిక అనుష్క శ‌ర్మ సాధిస్తున్న స‌క్సెస్ ఆల్‌ టైమ్ హాట్ టాపిక్. `ఎన్‌ హెచ్ 10` వంటి హార‌ర్ చిత్రాన్ని ఈ తీరుగానే తెర‌కెక్కించి బ్లాక్ బ‌స్ట‌ర్ విజ‌యం అందుకుంది. ఇటీవ‌లే `పారి` చిత్రంతో విజ‌యం అందుకుంది. ఫిలౌరి చిత్రాన్ని అనుష్క శ‌ర్మ స్వ‌యంగా నిర్మించింది. ఒక మెయిన్ స్ట్రీమ్ క‌థానాయిక‌గా ఉంటూ, ప్రొడ‌క్ష‌న్ బాధ్య‌త‌లు చేప‌ట్టి పెద్ద స‌క్సెస‌వ్వ‌డం అన్న‌ది అనుష్క‌తోనే పీక్స్ కి చేరింద‌ని చెప్పాలి. స‌రిగ్గా అదే స్ఫూర్తితో టాలీవుడ్ క‌థానాయిక‌ - అక్కినేని కోడ‌లు స‌మంత ప్ర‌ణాళికా బ‌ద్ధంగా ముంద‌డుగు వేయ‌డం చ‌ర్చ‌కొచ్చింది. కొంద‌రు నిర్మాత‌ల‌తో క‌లిసి సామ్ స్వ‌యంగా ఓ చిత్రాన్ని నిర్మిస్తోంది.

సామ్ న‌టించి - నిర్మించిన `యూట‌ర్న్` సెప్టెంబ‌ర్ 13న‌ రిలీజ్‌ కి రానుంది. ఈనెల 17న అంటే మ‌రో 5రోజుల్లో ఈ సినిమా ట్రైల‌ర్‌ ని లాంచ్ చేయ‌నున్నారు. ``థియేట‌ర్ల‌లో సీటు అంచుపై కూచుని థ్రిల్ల‌యిపోతారు. గ‌య్స్ మీరంతా ఎగ్జ‌యిట్ అవుతార‌నే భావిస్తున్నా. మాతో పాటు కూచుని ట్రైల‌ర్ వీక్షించే అవ‌కాశం కొంద‌రికి ద‌క్కింది`` అంటూ సామ్ తాజాగా ట్వీట్ చేశారు. ఈ ట్వీట్‌ ని బ‌ట్టి మ‌రో గ్రిప్పింగ్ థ్రిల్ల‌ర్ తెలుగు ప్రేక్ష‌కుల ముందుకు వ‌స్తోంద‌ని భావించ‌వచ్చు.

అనుష్క శ‌ర్మ ఎన్‌ హెచ్ 10 త‌ర‌హాలోనే సమంత `యూట‌ర్న్‌` స‌క్సెసైతే మునుముందు నిర్మాత‌గానూ స‌మంత మ‌రింత స్పీడ్ పెంచుతుంద‌న‌డంలో సందేహం లేదు. విజ‌యం ఉత్సాహాన్నిస్తుంది. ఆ ఉత్సాహంతో ఏం చేయ‌డానికైనా ఆస్కారం ఉంటుంది. స‌మంత న‌టించిన సీమ‌రాజా సెప్టెంబ‌ర్ 13న రిలీజ‌వుతున్న సంగ‌తి తెలిసిందే. అంటే యూట‌ర్న్‌ తో పాటు సీమ‌రాజా రిలీజ్‌ కి రెడీ అవుతోంది. ఒకేసారి సామ్ నుంచి అభిమానుల‌కు డ‌బుల్ ధ‌మాకా అందుతోంద‌న్న‌మాట‌!