ఇవాళ నుండి సమంత దిగుతుందా??

ఇప్పటికే సూపర్‌ స్టార్‌ మహేష్‌ ''బ్రహ్మోత్సవం'' సినిమాలో అసలు సమంత ఉందా లేదా.. రకుల్‌ ప్రీత్‌ సింగ్‌ ఆమెను రీప్లేస్ చేసేసిందా.. అంటూ చాలా సందేహాలు వచ్చేస్తున్నాయి. ఆల్రెడీ రూమర్లన్నీ బాగానే అల్లుకు పోయాయ్‌. కాని వాస్తవంగా ఇందులో ఎంతవరకు నిజం ఉంది అనే విషయంపై ఎవ్వరూ క్లారిటీ ఇవ్వలేదు. అటు సమంత స్పందించలేదు.. ఇటు మేకర్లూ ఏం మాట్లాడలేదు.

ఇకపోతే ఏప్రిల్ 29న విడుదల కానున్న బ్రహ్మోత్సవం ఇటీవల చెన్నై షెడ్యూల్‌ ని పూర్తి చేసుకుంది. చెన్నైలో అంబత్తూర్ ఇండస్ట్రియల్ ఎస్టేట్‌ లో మహేష్ బాబు, సత్యరాజ్‌ లపై కొన్ని కీలక సన్నివేశాలను షూట్ చేశారు. సంక్రాంతి పండగ సందర్భంగా తీసుకున్న చిన్నపాటి గ్యాప్ అనంతరం రేపట్నుండి హైదరాబాద్‌ లో శ్రీకాంత్‌ అడ్డాల డైరక్షన్‌ లో కొత్త షెడ్యూల్‌ మొదలవుతోంది. నిజానికి ఈ షెడ్యూల్‌ నుండి ఇక సమంత కూడా రంగంలోకి దిగాలి.

మరి ఇవాళ సమంత షూటింగ్‌ కు వచ్చింది అనే న్యూస్ వస్తే.. మనం వింటున్నవన్నీ రూమర్లే అని చెప్పుకోవచ్చు. లేదు.. సమంత రాకపోతే మాత్రం.. ఖచ్చితంగా సందేహించాల్సిందే.