ఇంత రిలాక్స్ గా.. సమంత ఎప్పడూ లేదంట

కోలీవుడ్ స్టార్ హీరో విజయ్ నటించిన తెరి చిత్రం ఏప్రిల్ 14న విడుదలవుతోంది. తెలుగులో ఈ చిత్రాన్ని పోలీసోడు టైటిల్ పై దిల్ రాజు విడుదల చేస్తున్నాడు. తెలుగు వెర్షన్ కి నాలుగు రోజుల ముందు విడుదల తేదీని ఫిక్స్ చేయడంతో.. ఇప్పుడు ప్రచార కార్యక్రమాలు జోరందుకున్నాయి.

పోలీసోడులో విజయ్ కు జంటగా సౌత్ సుందరి సమంత - బ్రిటిష్ బ్యూటీ అమీ జాక్సన్ లు నటించారు. అమీ ఇంకా కనిపించలేదు కానీ.. సమంత మాత్రం హైద్రాబాద్ వచ్చేసి ప్రచారం మొదలు పెట్టేసింది. తను పలు భాషల్లో చాలానే సినిమాలు చేసింది కానీ.. ఎప్పుడు ఇంత నమ్మకంగా అనిపించలేదని చెబుతోంది సమంత.

'డైరెక్టర్ అట్లీ ఎంత అద్భుతంగా ఈ చిత్రాన్ని తెరకెక్కించాడంటే.. ఓ మూవీ రిలీజ్ కి ముందు నేను ఎప్పుడూ ఇంత రిలాక్స్ గా లేదు. ఈ సినిమా సూపర్బ్ గా వచ్చిందని తెలుసు. సాధారణంగా సినిమా విడుదలకు ముందు పడే టెన్షన్.. పోలీసోడు విషయంలో మాత్రం అస్సలు లేదు' అని చెబుతోంది సమంత.