ఆ క్రేజీ వెబ్ సిరీస్ లో సామ్ ఎంట్రీ!

అమెరికా కోడ‌లు ప్రియాంక చోప్రా అలియాస్ పీసీ హాలీవుడ్ లో ప‌లు టీవీ సిరీస్ ల‌లో న‌టిస్తూ వేడి పెంచిన సంగ‌తి తెలిసిందే. క్వాంటికో సిరీస్ తో పీసీకి పాశ్చాత్య దేశాల్లో వ‌చ్చిన పాపులారిటీ అంతా ఇంతా కాదు. ప‌నిలో ప‌నిగా అమెరికా సింగ‌ర్ నిక్ జోనాస్ తో ప్రేమ‌లో ప‌డి ఏకంగా అమెరికా కోడ‌లు అయిపోయింది. ప్ర‌స్తుతం ప్రియాంక చోప్రా మ‌రో క్రేజీ వెబ్ టీవీ సిరీస్ కి సంత‌కం చేసిన సంగ‌తి తెలిసిందే.

స్టైలింగ్ లో .. సెల‌క్షన్ లో.. ప్రియాంక చోప్రా.. అనుష్క శ‌ర్మ బాట‌ను అనుస‌రించే సౌత్ క‌థానాయిక‌గా స‌మంత‌కు పేరుంది. అక్కినేని కోడ‌లు అయ్యాక సామ్ ప్లానింగ్ మొత్తం యూట‌ర్న్ తీసుకుంది. న‌ట‌న‌కు స్వ‌స్థి చెప్పాల్సిన ప‌నే లేకుండా లేడీ ఓరియెంటెడ్ చిత్రాల్లో న‌టిస్తోంది. అలాగే హ‌బ్బీ నాగ‌చైత‌న్య‌తో క‌లిసి న‌టిచే సినిమాల‌కు ప్రాధాన్య‌త‌నిస్తోంది.

ప‌నిలో ప‌నిగా క్రేజీ వెబ్ సిరీస్ ల వైపు అడుగులు వేయ‌డం కొత్త ట‌ర్న్ అని చెప్పాలి. స‌మంత ఓ వెబ్ సిరీస్ కి సంత‌కం చేసింద‌ని గ‌త కొంత‌కాలంగా వార్త‌లు వ‌స్తున్నాయి. అయితే అది ఏది.. ? అన్న‌దానిపై పూర్తి స్ప‌ష్ఠ‌త లేదు. తాజా స‌మాచారం ప్ర‌కారం.. మ‌నోజ్ బాజ్ పాయ్ న‌టిస్తున్న ఫ్యామిలీ మ్యాన్ అనే వెబ్ సిరీస్ లో కీల‌క పాత్ర‌ను పోషించేందుకు సామ్ అంగీక‌రించింద‌ని చెబుతున్నారు. ఇదే సిరీస్ లో ప్రియ‌మ‌ణి ఓ కీల‌క పాత్ర‌ను పోషిస్తోంది. బాలీవుడ్ లో స్థిర‌ప‌డ్డ‌ తెలుగు కుర్రాళ్లు రాజ్ అండ్ డీకే ఈ చిత్రానికి ద‌ర్శ‌క‌త్వం వ‌హిస్తున్నారు. ఇప్ప‌టికే ఫ్యామిలీ మ్యాన్ వెబ్ సిరీస్ లాంచ్ అయ్యింది. ట్రైల‌ర్ ఆక‌ట్టుకుంది. ఈ సిరీస్ లో సామ్ స‌డెన్ ఎంట్రీ ఇస్తోందా...? లేక ప్రీప్లాన్డ్ గానే వెళుతోందా అన్న‌ది తనే చెప్పాల్సి ఉంటుంది.