సమంతకు మెగా ఆఫర్ వస్తుందా?

ప్రస్తుతం టాక్ ఆఫ్ ది టాలీవుడ్ అంటే ధృవ మూవీనే. మొదటి రోజు వసూళ్లు చూస్తే రిజల్ట్ పై అనుమానాలతో పాటు.. డీమానిటైజేషన్ దెబ్బకి పెద్ద సినిమాలు బలయిపోతాయే అనే భయాలు పెరిగిపోయాయి. కానీ రెండో రోజు ఉదయాన్ని కల్లా సీన్ మారిపోయింది. బిగ్గెస్ట్ బ్లాక్ బస్టర్స్ కి ఏ మాత్రం తగ్గకుండా వసూళ్లను కుమ్మేస్తోంది.

అన్ని ఏరియాల్లోనూ కలెక్షన్స్ వర్షం కురిపించేస్తున్న ధృవకు.. టాలీవుడ్ వర్గాల నుంచి కూడా సూపర్ గా సపోర్ట్ వస్తోంది. టాలీవుడ్ టాప్ బ్యూటీ సమంతకి అయితే రామ్ చరణ్ మూవీ తెగ నచ్చేసిందట. 'రాత్రే ధృవ చూశా.. సూపర్ గా ఉంది. చివరివరకూ గ్రిప్ పోకుండా అదిరిపోయేలా తీశారు. అందరూ అద్భుతంగా పెర్ఫామ్ చేశారు. మొత్తం టీం అంతటికీ అభినందనలు' అని చెప్పింది సమంత. 'నీకు నచ్చింది అదే చాలు.. థాంక్యూ' ఇమ్మీడియేట్ గా రిప్లై ఇచ్చింది రకుల్ ప్రీత్ సింగ్.

తను నటించిన సినిమాలపై దాదాపు రివ్యూలు ఇచ్చే సమంత.. సడెన్ గా ధృవ సినిమాను పొగడ్తల్లో ముంచడంపై బోలెడన్ని టాక్స్ మొదలైపోయాయి. నెక్ట్స్ మెగా పవర్ స్టార్ మూవీలో సమంతకు ఆఫర్ అందిందా.. అందుకోసమే ఇలాంటి ట్వీట్స్ తో విషయం మొదలుపెట్టిందా అనుకుంటున్నారు సినిమా జనాలు.

Like Us on Facebook : https://www.facebook.com/Tupakidotcom/