ప్రమోషన్స్ లో సమంత లెక్క పక్కా

టాలీవుడ్ బాక్సాఫీస్ ను దున్నేస్తోంది అ..ఆ.. నితిన్ - సమంత జంటగా నటించగా త్రివిక్రమ్ దర్శకత్వంలో రూపొందిన ఈ చిత్రానికి తెలుగు ప్రేక్షకులు బ్రహ్మరథం పడుతున్నారు. ఆన్ లైన్ లో కూడా అ..ఆ.. చిత్రానికి ప్రశంసిస్తూ బోలెడన్ని ట్వీట్స్ పెడుతున్నారు నెటిజన్లు. తన చిత్రాన్ని ప్రమోట్ చేయడానికి తను ట్వీట్ చేయడంతో పాటు.. అ..ఆ.. బాగుందని జనాలు చేస్తున్న ట్వీట్స్ ను తెగ రీట్వీట్ చేసేస్తోంది సమంత.

మొదటి రోజునే మంచి టాక్ వచ్చిన సినిమాకి ఇంతగా ప్రమోట్ చేయాల్సిన అవసరం లేకున్నా సమంత ఇంతగా అ..ఆ.. కోసం కష్టపడ్డం చూస్తుంటే ఓ విషయం అర్ధం చేసుకోవాల్సి ఉంటుంది. ఇదే సమంత బ్రహ్మోత్సవం రిలీజ్ వరకూ కూడా చాలానే ట్వీట్స్ చేసి పబ్లిసిటీ చేసింది. కానీ ఆ మూవీకి మొదటి రోజున వచ్చిన టాక్ చూశాక.. కనీసం ఒక్కటంటే ఒక్క ట్వీట్ చేయలేదు. ఒక్క మాట మాట్లాడలేదు. వీటికి ముందు తెరి - 24 విషయంలోనూ ఇంతే. జనాలనుంచి సినిమా బాగుందనే టాక్ వచ్చాక.. ప్రమోషన్స్ లో సమంతను పట్టుకోవడం కష్టంగా ఉంది. అంతగా యాక్టివ్ అయిపోయి మరీ ట్వీట్లు - రీట్వీట్లతో సందడి చేస్తోందీ భామ.

అదే టాక్ బాలేదంటే మాత్రం ఇక ఆ మూవీ గురించి నోరు తెరవడం లేదు. అంటే సమంత స్వయంగా ప్రమోషన్ చేయాలంటే.. అది హిట్టు సినిమా అయితే మాత్రమే చేస్తుందన్న మాట. హిట్ మూవీకి అడక్కపోయినా పబ్లిసిటీ చేసే శామ్స్.. ఫ్లాప్ సినిమాకి అడిగినా చేయదనే విషయం అర్ధం కావడం లేదూ.!