మహానటి కంటే సమంతకే ఎక్కువ

ఇంకా ప్రారంభం కూడా కాకపోయినా.. టాలీవుడ్ లో క్రేజ్ కలిగిస్తున్న చిత్రాల్లో మహానటి కూడా చేరిపోయింది. మహానటి సావిత్రి జీవిత చరిత్రను తెరకెక్కిస్తుండగా.. ఇందులో లీడ్ రోల్ ను కీర్తి సురేష్ చేయనుందని అంటున్నారు. అధికారికంగా అనౌన్స్ చేయకపోయినా.. ఇప్పటికే ఈ రోల్ కు ఆమెతో సైన్ చేయించుకున్నట్లు టాక్.

అయితే ఈ మూవీలో సమంత కూడా నటిస్తున్న సంగతి తెలిసిందే. ఒక జర్నలిస్ట్ గా సావిత్రి ఆటోబయోగ్రఫీ రాసే పాత్రలో సమంత కనిపించనుంది. ఇక్కడ ఆశ్చర్యకరమైన విషయం ఏంటంటే.. మహానటి మూవీలో సావిత్రి పాత్రను పోషించనున్న కీర్తి సురేష్ కంటే.. జర్నలిస్ట్ గా కీలక పాత్ర చేస్తున్న సమంతకే ఎక్కువ పారితోషికం ముడుతోందట. ప్రస్తుతం సమంత స్టార్ డం.. క్రేజ్.. డిమాండ్.. క్రౌడ్ పుల్లింగ్ కెపాసిటీలను దృష్టిలో ఉంచుకుని.. ఆమెకు కోటి రూపాయలు ముట్టచెప్పేందుకు నిర్మాత అశ్వినీదత్ అంగీకరించాడని తెలుస్తోంది.

ఇటు తెలుగులోనే కాకుండా.. అటు తమిళంలోనూ టాప్ పొజిషన్ లో ఉన్న సమంతకు ఎక్కువ ముట్టచెప్పడం ఆశ్చర్యమేమీ కాదని ఇండస్ట్రీ జనాలు మాట్లాడుకుంటున్నారు. మరోవైపు.. మహానటి పాత్ర ద్వారా కీర్తి సురేష్ అందుకుంటున్న మొత్తం 80 లక్షలు. ఈ రెమ్యూనరేషన్ లెక్కలు తెలుగు-తమిళ్ రెండు వెర్షన్లకు కలిపి అనేది ప్రధానమైన పాయింట్. నాగ్ అశ్విన్ దర్శకత్వం వహించనున్న ఈ చిత్రం.. ఫిబ్రవరిలో ప్రారంభమయ్యే అవకాశాలున్నాయి.

Like Us on Facebook : https://www.facebook.com/Tupakidotcom/