ఫోటో స్టొరీ: స్కూటర్ పై సామ్ షికారు

అక్కినేని కోడలు సమంతా గత ఏడాది యుటర్న్ తర్వాత సీమరాజా అనే డబ్బింగ్ సినిమాతో తప్ప మళ్ళి కనిపించలేదు. కొత్త ఏడాదిలో మాత్రం మాములు స్పీడ్ ఉండబోవడం లేదు. నందినిరెడ్డి దర్శకత్వంలో రూపొందుతున్న ఓ బేబీ షూటింగ్ పూర్తి చేసుకున్న సందర్భంగా వదిలిన స్టిల్స్ ఆన్ లైన్ లో హల్చల్ చేస్తున్నాయి. పైన ఫోటో వాటిలో భాగంగా వచ్చినదే. రానున్న వేసవిలో విడుదల కానున్న ఓ బేబీలో సాం టైటిల్ రోల్ పోషించింది.

తనతో పాటు సీనియర్ నటి లక్ష్మి హీరో నాగ శౌర్య కూడా ఇందులో కీలక పాత్రలు పోషిస్తున్నారు. ఓ కొరియన్ మూవీ ఆధారంగా రూపొందిన ఈ సినిమాలో సమంతా లక్ష్మిల పాత్రలు షాక్ ఇచ్చే రీతిలో ఉంటాయట. అవేంటి అన్నది ప్రస్తుతానికి సస్పెన్స్. పైన పిక్ చూశారుగా. చలాకీగా బజాజ్ స్కూటర్ లాంటిది వేసుకుని రయ్యిమని దూసుకుపోతూ ఉంటే వెనుక పిల్లలు యూత్ కేరింతలు కొడుతూ ఫాలో కావడం చూడగానే ఆకట్టుకునేలా ఉంది.

ఇది నందిని రెడ్డితో సమంతా చేస్తున్న రెండో సినిమా. మొదటిది సిద్దార్థ్ కు జోడిగా జబర్దస్త్ చేసింది. అది ఆశించిన ఫలితాలు అందుకోలేదు. ఇప్పుడు ఓ బేబీ మీద అంచనాలు బాగున్నాయి. సురేష్ సంస్థతో పాటు పీపుల్ మీడియా ఫ్యాక్టరీ ప్లస్ గురు ఫిలిమ్స్ సంయుక్తంగా నిర్మించిన ఓ బేబీ రిలీజ్ డేట్ ఇంకా ఖరారు కావాల్సి ఉంది. వచ్చే నెల మజిలితో మొదలయ్యే సాం స్పీడ్ వరస సినిమాలతో మాములుగా ఉండేలా లేదు