వైన్ మొబైల్ కానుక‌ల‌తో బన్నీకి ఆహ్వానం

డిజిట‌ల్ వేదిక - ఆహాలో సామ్ జామ్ కార్య‌క్ర‌మానికి ఉన్న ఆద‌ర‌ణ క్రేజు గురించి తెలిసిన‌దే. ప‌రిశ్ర‌మ అగ్ర హీరోల్ని ఇంట‌ర్వ్యూలు చేస్తూ స‌మంత బోలెడంత ఫ‌న్ ని అందిస్తున్నారు అభిమానుల‌కు. ఈ కార్య‌క్ర‌మం ఇప్ప‌టికే పెద్ద స‌క్సెసైంద‌న్న టాక్ ఉంది.

రానా - విజ‌య్ దేవ‌ర‌కొండ - త‌మ‌న్నా లాంటి స్టార్ల‌తో ఇంట‌ర్వ్యూలు ఇప్ప‌టికే వైర‌ల్ అయ్యాయి. త‌దుప‌రి స్టైలిష్ స్టార్ అల్లు అర్జున్ తో సామ్ జామ్ కార్య‌క్ర‌మం స్టైలిష్ ఫ్యాన్స్ కి స్పెష‌ల్ ట్రీట్ ఇవ్వ‌నుంది.

ఇక బ‌న్నీకి సామ్ నుంచి ఆహ్వానం అందింది. అది కూడా త‌న‌దైన శైలిలో స్పెష‌ల్ గూడీస్ ఇన్విటేష‌న్ అందింది‌. హైదరాబాద్ ‌లో ఇప్ప‌టికే బ‌న్నీతో సామ్ జామ్ కార్య‌క్ర‌మానికి సంబంధించిన చిత్రీక‌ర‌ణ సాగింది. ఈ కార్య‌క్ర‌మానికి సమంత ర‌క‌ర‌కాల‌ గూడీస్ ‌తో బ‌న్నీకి స్వాగతం పలికారు.

బన్నీ స్వ‌యంగా ఈ విష‌యాన్ని త‌న ఇన్ స్టా ద్వారా వెల్ల‌డించారు. వైన్ బాటిల్.. సరికొత్త మొబైల్ ‌ని బహుమతిగా అందించి బ‌న్నీకి సామ్ స్వాగతం పలికారు. సామ్ జామ్ లో బ‌న్ని ఎపిసోడ్ సంథింగ్ స్పెష‌ల్ గా అల‌రించ‌డం ఖాయ‌మే. ఇక బ‌న్ని వృత్తిగ‌త విష‌యాల‌న్నీ ఈ వేదిక‌పై రివీల్ చేస్తారేమో చూడాలి.