స్పెష‌ల్ నంబ‌రా? ఐట‌మ్ నంబ‌రా? ఏమ‌నాలి!

ఐట‌మ్ నంబ‌ర్ లో న‌ర్తించినా.. అది స్పెష‌ల్ రోల్ అంటూ ఇటీవ‌ల‌ ఒక టాలీవుడ్ బ్యూటీ ద‌బాయించిన సంగ‌తి తెలిసిన‌దే. స్పెష‌ల్ అని పిల‌వాలి అంతే! అంటూ క‌రాఖండిగా మీడియా ముందే చెప్ప‌డం పెద్ద డిబేట్ కి తెర తీసింది. అది గ‌తం అనుకుంటే వ‌ర్త‌మానంలో ఇప్పుడు స‌మంత చేస్తున్న‌ది ఐట‌మ్ నంబ‌రా లేక స్పెష‌ల్ నంబ‌రా? అంటూ ఫిల్మీ జ‌నం చెవులు కొరుక్కుంటున్నారు.

స్టైలిష్ స్టార్ అల్లు అర్జున్ క‌థానాయ‌కుడిగా న‌టిస్తున్న పుష్ప చిత్రంలో స్పెష‌ల్ లేదా ఐట‌మ్ నంబ‌ర్ కోసం స‌మంత‌ను సంప్ర‌దించార‌ని క‌థ‌నాలొచ్చాయి. ఆల్మోస్ట్ దీనికి స‌మంత అంగీక‌రించారు. నిజానికి బాలీవుడ్ బ్యూటీ నోరా ఫతేహి ప్రత్యేక నంబర్ పై సంతకం చేసింది. అయితే షూటింగ్ షెడ్యూల్ లో ఆలస్యం కారణంగా సాంగ్ షూట్ ప్లాన్ ను మారింది. దీనివ‌ల్ల నోరా తన ఇతర కమిట్ మెంట్ లతో బిజీ అయ్యి ఇప్పుడు ప్రాజెక్ట్స్ నుండి తప్పుకుంది. ఆ త‌ర్వాత పలువురి పేర్లను పరిశీలించాక చివ‌రిగా సుకుమార్ ఎట్ట‌కేల‌కు సమంతను ఫైన‌ల్ చేసారు. సామ్ ఐటమ్ గీతానికి వెంటనే ఆమోదం తెలిపార‌ని తెలిసింది. ఈ పాట కోసం తేదీలను కేటాయించింది. ఈ నెల 25 నుంచి 30 వరకు రామోజీ ఫిల్మ్ సిటీలో వేసిన ప్రత్యేక సెట్ లో ఈ పాటను చిత్రీకరించనున్నారు. ఈ పాటతో షూటింగ్ మొత్తం పూర్తవుతుంది. ప్యాచ్ వ‌ర్క్స్ ని సుక్కూ పూర్తి చేస్తున్నారు.

పెళ్లి తర్వాత సమంతకు ఇదే మొదటి ఐటెమ్ నంబర్. కానీ దీనిని ఐట‌మ్ నంబ‌ర్ అంటే అంగీక‌రిస్తుందా? లేక స్పెషల్ నంబ‌ర్ అని పిల‌వాలి.. అనేస్తుందా చూడాలి. బన్నీ కెరీర్ లోనే అత్యంత భారీ వ్యయంతో తెరకెక్కిన చిత్రంగా పుష్ప టాక్ ఆఫ్ ది టౌన్ గా నిలుస్తోంది. ఇందులో రష్మిక కథానాయిక. దేవిశ్రీ ప్రసాద్ సంగీతం అందిస్తున్నారు. మైత్రీ మూవీ మేకర్స్ నిర్మిస్తోంది.