సమంత సంచలన నిర్ణయం

టాలీవుడ్‌ స్టార్‌ హీరోయిన్‌ సమంత పెళ్లి తర్వాత చాలా మారింది. తన సినిమాల ఎంపిక విషయం నుండి ఇంకా పలు అలవాట్లను మార్చుకున్నట్లుగా తెలుస్తోంది. పెళ్లి తర్వాత నటనకు ఆస్కారం ఉన్న పాత్రల్లో నటిస్తూ సినిమాలకు కమిట్‌ అవుతూ వస్తోంది. పెళ్లి తర్వాత సమంత చేసిన రంగస్థలం, యూటర్న్‌, మహానటి చిత్రాలు మంచి విజయాన్ని సొంతం చేసుకున్న విషయం తెల్సిందే. ప్రతి సంవత్సరం ఆరంభంలో కొత్త రెజల్యూషన్స్‌ తీసుకోవడం సమంతకు అలవాటు, చిన్నప్పుడు కొత్త సంవత్సరం వచ్చిందంటే కొత్త విషయాలను నేర్చుకోవడం కాని, కొత్త పద్దతులను అనుసరించడం కాని చేయాలని అమ్మ చెప్పేదని, అందుకే తాను ప్రతి సంవత్సరం ఏదో ఒక నిర్ణయాన్ని తీసుకుంటూనే ఉంటానంది.

ఈ ఏడాదికి గాను తాను మాంసాహారాన్ని వదిలేయాలని నిర్ణయించుకున్నట్లుగా చెప్పుకొచ్చింది. ఇకపై పూర్తిగా శాఖహారిగా ఉంటూ ప్రశాంతమైన జీవితాన్ని గడపాలని నిర్ణయించుకున్నట్లుగా సమంత ఒక ఇంటర్వ్యూలో చెప్పుకొచ్చింది. చైతూ తన జీవితంలోకి వచ్చిన తర్వాత చాలా మార్పులు వచ్చాయని పేర్కొంది. ప్రస్తుతం చైతూతో కలిసి 'మజిలీ' చిత్రంలో నటిస్తున్న సమంత తమిళంలో విజయ్‌ సేతుపతితో కలిసి 'సూపర్‌ డీలక్స్‌' అనే చిత్రాన్ని చేస్తోంది. ఆ చిత్రంలో సమంత పాత్ర చాలా విభిన్నంగా ఉంటుందట. అదే సినిమాలో రమ్యకృష్ణ కూడా కనిపించబోతుంది. పోర్న్‌ స్టార్‌ గా రమ్యకృష్ణ కనిపించబోతున్నట్లుగా తమిళ వర్గాల్లో టాక్‌ వినిపిస్తుంది.